ICC ચેમ્પિયન્સ ટ્રોફી બાદ વનડે ક્રિકેટમાંથી નિવૃત્તિ લેશે મોહમ્મદ નબી

Mohammad Nabi retirement: અફઘાનિસ્તાન ક્રિકેટના દિગ્ગજ ખેલાડી મોહમ્મદ નબી, 2025માં ICC ચેમ્પિયન્સ ટ્રોફી બાદ વન-ડે ઈન્ટરનેશનલ (ODI)માંથી નિવૃત્તિ લેશે. 50 ઓવરના ફોર્મેટને 15 વર્ષ સમર્પિત કર્યા બાદ, તેણે આવતા વર્ષે તેની ODI સફર પૂર્ણ કરવાનું નક્કી કર્યું છે.

અફઘાનિસ્તાન ક્રિકેટ બોર્ડના ચીફ એક્ઝિક્યુટિવ, નસીબ ખાને શેર કર્યું હતું કે, નબીએ તેમની નિવૃત્તિની યોજનાઓ જણાવી હતી, જેને બોર્ડે સ્વીકારી હતી.

ODI થી દૂર હોવા છતાં મોહમ્મદ નબી T20I ક્રિકેટ રમવાનું ચાલુ રાખશે, અને 2026 T20 વર્લ્ડ કપનું લક્ષ્ય રાખી શકે છે. તેણે અગાઉ 2019માં ટેસ્ટ ક્રિકેટમાંથી નિવૃત્તિ લીધી હતી.

અફઘાનિસ્તાન ક્રિકેટ પર નબીની અસર - અફઘાનિસ્તાન ક્રિકેટ પર નબીનો પ્રભાવ અજોડ છે. ફિજી અને જાપાન જેવા રાષ્ટ્રો સામેની હરીફાઈથી લઈને ODI વર્લ્ડ કપમાં ઈંગ્લેન્ડ અને પાકિસ્તાન જેવા દિગ્ગજો સામે જીત મેળવવામાં તેની ભૂમિકા ભજવી છે.

અફઘાનિસ્તાનની ક્રિકેટ સફરને આકાર આપવામાં તેમનું યોગદાન મુખ્ય રહ્યું છે. મોબમ્મદ નબીના નેતૃત્વ હેઠળ, અફઘાનિસ્તાને નોંધપાત્ર સીમાચિહ્નો હાંસલ કર્યા છે.

મોહમ્મદ નબીની પાસે સૌથી વધુ ટીમો (45) સામે જીતનો ભાગ બનવાનો રેકોર્ડ છે, અને તે તેમના વિકાસમાં નિર્ણાયક હતો. જેમ જેમ ટીમ કેપ્ટન હશમતુલ્લાહ શાહિદી અને કોચ જોનાથન ટ્રોટ હેઠળ આગળ વધે છે, તેમ નબીને વિશ્વાસ છે કે તેઓ આગળ વધતા રહેશે.

મોહમ્મદ નબીની સિદ્ધિઓ - મોહમ્મદ નબીની કારકિર્દી અસંખ્ય રેકોર્ડ્સ દ્વારા ચિહ્નિત છે. તે ODIમાં 100 વિકેટ લેનાર અને 3000 રન બનાવનાર પ્રથમ અફઘાન ખેલાડી હતો.

વધુમાં મોહમ્મદ નબી 1000થી વધુ રન, 100 વિકેટ અને 50 કેચ ધરાવતો એકમાત્ર અફઘાન ક્રિકેટર છે. તેની સિદ્ધિઓ તેની સર્વાંગી ક્ષમતાઓ અને રમત પ્રત્યેના સમર્પણને દર્શાવે છે.

39 વર્ષની ઉંમરે મોહમ્મદ નબી ઓડીઆઈમાં સદી ફટકારનાર છઠ્ઠો સૌથી સિનિયર ખેલાડી છે. આ સાથે પ્રથમ પાંચ વિકેટ ઝડપનાર ત્રીજા સૌથી સિનિયર ખેલાડી બન્યો છે.

આ ઉપરાંત, તે વૈશ્વિક સ્તરે માત્ર 16 ખેલાડીઓમાં સામેલ છે જેમણે તેમની રાષ્ટ્રીય ટીમ માટે સતત 100 મેચ રમી છે. મોહમ્મદ નબીનો નિવૃત્તિનો નિર્ણય ત્યારે આવ્યો છે જ્યારે અફઘાનિસ્તાન ક્રિકેટ તેની ઉપરની ગતિ ચાલુ રાખે છે.

શાહિદી અને ટ્રોટના મજબૂત નેતૃત્વ સાથે, તેઓ માને છે કે, તેઓ તેમના વારસાને આગળ વધારવા અને આંતરરાષ્ટ્રીય મંચ પર વધુ સફળતા પ્રાપ્ત કરવા માટે સુસજ્જ છે.