Delhi NCR Pollution : દિલ્હીમાં આજે પણ AQI 293, સરકારે 1,700 થી વધુ જૂના વાહનો જપ્ત કર્યા

શુક્રવારના રોજ પણ દિલ્હી એનસીઆરની હવામાં કોઈ સુધારો થયો નથી. આજે પણ અહીં સરેરાશ એર ક્વોલિટી ઈન્ડેક્સ (AQI) માત્ર 293 છે, જે ગરીબ શ્રેણીમાં આવે છે.

Published: Friday, December 10, 2021, 9:50 [IST]

Delhi NCR Pollution : શુક્રવારના રોજ પણ દિલ્હી એનસીઆરની હવામાં કોઈ સુધારો થયો નથી. આજે પણ અહીં સરેરાશ એર ક્વોલિટી ઈન્ડેક્સ (AQI) માત્ર 293 છે, જે ગરીબ શ્રેણીમાં આવે છે. જો કે સિસ્ટમ ઓફ એર ક્વોલિટી એન્ડ વેધર ફોરકાસ્ટિંગ એન્ડ રિસર્ચ (SAFAR)એ કહ્યું છે કે, સ્થિતિમાં સુધારો થયો છે, પરંતુ હજૂ પણ સ્થિતિ યોગ્ય નથી. આગામી બે દિવસમાં સુધારો થવાની સંભાવના છે. કારણ કે, પહાડો પરથી આવતા પવનમાં વધારો થવાની સંભાવના છે, જેના કારણે પ્રદુષણમાં ઘટાડો થશે.

વાહનોના પ્રદૂષણને રોકવા માટે, દિલ્હી સરકારે 1,754 વાહનો જપ્ત કર્યા છે, જેમાં દસ વર્ષથી વધુ જૂની ડીઝલ કાર અને 15 વર્ષથી વધુ જૂની પેટ્રોલ કારનો સમાવેશ થાય છે. રિપોર્ટ અનુસાર એક સંકલિત એક્શન ટેકન રિપોર્ટ (ATR)માં ડેટા શેર કરવામાં આવ્યો હતો કે, 17 નવેમ્બરથી 6 ડિસેમ્બર સુધી પ્રદૂષણ ફેલાવતા વાહનોના 749 વાહન માલિકોને દંડ ફટકારવામાં આવ્યો છે.