દિલ્હીની રોહિણી કોર્ટમાં ગોળીબાર, ગેંગસ્ટર ગોગી સહિત 3ના મોત જુઓ ઘટનાનો વીડિયો

શની રાજધાની દિલ્હીની રોહિણી કોર્ટમાં ગેંગસ્ટર જીતેન્દ્ર ગોગીની ધોળા દહાડે ગોળી મારી હત્યા કરવામાં આવી હતી. કોર્ટમાં આવેલા જીતેન્દ્ર ગોગીનું ઘટનાસ્થળે જ મોત થયું હતું. આ ગેંગવોર કોર્ટ રૂમની અંદર થઇ હતી.

નવી દિલ્હી : દેશની રાજધાની દિલ્હીની રોહિણી કોર્ટમાં ગેંગસ્ટર જીતેન્દ્ર ગોગીની ધોળા દહાડે ગોળી મારી હત્યા કરવામાં આવી હતી. કોર્ટમાં આવેલા જીતેન્દ્ર ગોગીનું ઘટનાસ્થળે જ મોત થયું હતું. આ ગેંગવોર કોર્ટ રૂમની અંદર થઇ હતી. જેમાં ગોળીબારને કારણે ત્રણથી ચાર લોકો ઘાયલ પણ થયા હતા. પોલીસે ઘટનાસ્થળે જ જવાબી કાર્યવાહી કરી અને હુમલાખોરને ઠાર કર્યો હતા.

પોલીસ સૂત્રોનું કહેવું છે કે, ટિલ્લુ ગેંગના બે બદમાશો એન્કાઉન્ટરમાં માર્યા ગયા છે. આ બંને બદમાશો વકીલનો ડ્રેસ પહેરીને રોહિણી કોર્ટમાં પ્રવેશ્યા હતા. તેણે જીતેન્દ્ર ગોગીને ગોળી મારી હતી. પોલીસ હજૂ પણ ટિલ્લુ ગેંગના બંને બદમાશોના નામ શોધી રહી છે. કહેવામાં આવી રહ્યું છે કે, તેમની જૂની દુશ્મનાવટ હતી. રાજધાનીમાં બનેલી આ ઘટના બાદ સુરક્ષા વ્યવસ્થા પર સવાલો ઉઠી રહ્યા છે.

કોણ છે જીતેન્દ્ર ગોગી

જીતેન્દ્ર ગોગીની ગણતરી દિલ્હીના ટોચના મોસ્ટ વોન્ટેડ ગુંડાઓમાં થતી હતી. દિલ્હી પોલીસે તેના પર 4 લાખ રૂપિયાનું ઈનામ રાખ્યું હતું. હરિયાણા પોલીસે તેના પર 2.5 લાખ રૂપિયાનું ઈનામ પણ રાખ્યું હતું. દિલ્હીના નરેલા વિસ્તારમાં સ્થાનિક નેતા વિરેન્દ્ર માનની હત્યામાં ગોગી અને તેના સાગરિતો શામેલ હતા. જીતેન્દ્ર ઉર્ફે ગોગી પર હરિયાણાની પ્રખ્યાત ગાયિકા હર્ષિતા દહિયાની હત્યાનો પણ આરોપ છે. દિલ્હી અને હરિયાણા જેવા રાજ્યોમાં આ ગેંગસ્ટર પોલીસના નિશાના પર હતો.

English summary

Gangster Jitendra Gogi was shot dead in broad daylight at Rohini Court in the national capital. Jitendra Gogi, who was in the court, died on the spot.