મુંબઇ ગેંગરેપમાં વધુ એક આરોપીની ધરપકડ: સૂત્ર

By Kumar Dushyant

Published: Saturday, August 24, 2013, 11:40 [IST]

મુંબઇ, 24 ઓગષ્ટ: મહાલક્ષ્મી વિસ્તારમાં એક મહિલા ફોટો પત્રકાર સાથે થયેલા ગેંગરેપના મુદ્દે વધુ એક આરોપીની ધરપકડ કરવામાં આવી છે. એક આરોપીની ગઇકાલે ધરપકડ કરવામાં આવી હતી જેની આધારિકારીક જાહેરાત મુંબઇ પોલીસ કમિશ્નરે પત્રકાર પરિષદમાં કરી હતી. સૂત્રોના જણાવ્યા અનુસાર આરોપીઓને પોલીસ આજે કોર્ટમાં રજૂ કરશે.

આ દરમિયાન ગેંગરેપ વિરૂદ્ધ ઠેર-ઠેર પ્રદર્શન ચાલુ છે. શુક્રવારે આ મુદ્દે રાજ્યસભામાં પણ હંગામો થયો હતો. બીજી તરફ મુંબઇના જસલોક હોસ્પિટલમાં હેવાનોની હવસનો શિકાર બનેલી મહિલા ફોટો પત્રકારે પોતાની માતાને શુક્રવારે એક પત્ર લખ્યો હતો જેમાં પોતાની પીડા વ્યક્ત કરી હતી.

એક ન્યુઝ ચેનલના જણાવ્યા અનુસાર પીડિયાએ પોતાના પત્રમાં લખ્યું હતું કે 'તેમને મારી જીંદગી બરબાદ કરી દિધી છે. હું જે શારીરિક અને માનસિક પીડાથી પસાર થઇ છું, ઉંમરકેદથી ઓછી સજાથી આ પીડા દૂર થઇ શકે નથી.

મુંબઇના જસલોક હોસ્પિટલમાં પીડિતાની સારવાર ચાલું છે. શુક્રવારે રજૂ થયેલા મેડિકલ બુલેટિન અનુસાર પીડિતા હવે આઇસીયૂમાં નથી. તેની હાલતમાં સુધારો થઇ રહ્યો છે, પરંતુ તે અત્યારે આઘાતમાં છે.

Published On August 24, 2013