Bihar election 2025 : સુશાંત સિંહ રાજપૂતની પિતરાઈ બહેન આ VIP બેઠક પરથી CPIMLની ઉમેદવાર

Bihar election 2025 : બિહારની રાજનીતિમાં બોલિવૂડ અભિનેતા સુશાંત સિંહ રાજપૂત (Sushant Singh Rajput) સાથે જોડાયેલા એક સમાચાર સામે આવ્યા છે.

સુશાંત સિંહ રાજપૂતની પિતરાઈ બહેન (Cousin Sister) અને પટણા યુનિવર્સિટીના પૂર્વ વિદ્યાર્થી નેતા દિવ્યા ગૌતમ (Divya Gautam) એ રાજકારણમાં મોટું પગલું ભર્યું છે.

તેણીને CPIML (Communist Party of India (Marxist-Leninist) Liberation) એ પટણા જિલ્લાની પ્રતિષ્ઠિત દીઘા વિધાનસભા બેઠક (Digha Vidhan Sabha) પરથી પોતાના ઉમેદવાર બનાવ્યા છે.

જો કે, મહાગઠબંધન (Mahagathbandhan) માં બેઠકોની અંતિમ વહેંચણી હજુ બાકી છે, પરંતુ CPIML એ દિવ્યા ગૌતમના નામ પર મહોર લગાવી દીધી છે. તેઓ 15 ઓક્ટોબરે પોતાનું ઉમેદવારી ફોર્મ ભરશે.

દિવ્યા ગૌતમ માત્ર એક અભિનેતાના સંબંધી નથી, પરંતુ એક સશક્ત અને ગંભીર ઉમેદવાર તરીકે ઉભરી આવ્યા છે. તેણીએ પટણા કોલેજમાંથી માસ કોમ્યુનિકેશનમાં સ્નાતક (Graduation) કર્યું છે.

64મી BPSC (બિહાર પબ્લિક સર્વિસ કમિશન) પરીક્ષા પહેલા જ પ્રયાસમાં સફળતાપૂર્વક પાસ કરી હતી અને તેમની પસંદગી સપ્લાય ઇન્સ્પેક્ટરના પદ માટે થઈ હતી. જો કે, તેણીએ સરકારી નોકરીને બદલે સમાજ સેવા અને રાજકારણને પ્રાથમિકતા આપી. હાલ UGC NET ક્વોલિફાઇડ છે અને PhD કરી રહ્યા છે.

દીઘા વિધાનસભા બેઠકને ભારતીય જનતા પાર્ટી (BJP) નો મજબૂત ગઢ માનવામાં આવે છે. આ બેઠક પરથી ભાજપના ડો. સંજીવ ચૌરસિયા સતત બે વખતથી ધારાસભ્ય છે.