Women's Day 2024: મહિલા દિવસને જાંબલી રંગ સાથે શું છે સંબંધ, જાણો આ રંગ સાથે જોડાયેલુ મહત્વ

Women's Day 2024: વિશ્વભરમાં મહિલાઓના સન્માનમાં દર વર્ષે 8 માર્ચે આંતરરાષ્ટ્રીય મહિલા દિવસ ઉજવવામાં આવે છે. વર્ષ 1908માં જ્યારે અમેરિકામાં મહિલાઓએ પોતાના અધિકારો માટે અવાજ ઉઠાવ્યો હતો. ત્યારબાદ વર્ષો પછી મહિલા કામદારોના આ આંદોલનના દિવસને સંયુક્ત રાષ્ટ્ર દ્વારા મહિલા દિવસ તરીકે ઉજવવાનું શરૂ થયું.

1910માં, કોપનહેગનમાં મહિલા કાર્યકર્તા ક્લારા જેટકીને કાર્યકારી મહિલાઓની આંતરરાષ્ટ્રીય પરિષદ દરમિયાન 17 દેશોની 100 મહિલાઓ વચ્ચે આ દિવસની ઉજવણી કરવાનો પ્રસ્તાવ મૂક્યો અને તેને મંજૂરી મળ્યા પછી, આ દિવસની ઉજવણી શરૂ થઈ.

મહિલા દિવસ પર મહિલાઓ પર્પલ કલર જ પહેરે છે. આ દિવસનું મહત્વ જાંબલી રંગ સાથે જોડાયેલું છે. શું તમે જાણો છો કે આવું કેમ છે? ચાલો જાણીએ જાંબલી રંગ અને મહિલા દિવસ વચ્ચે શું સંબંધ છે?

જાંબલી રંગનો અર્થ(Purple Colour Mean)

સમગ્ર વિશ્વમાં જાંબલી રંગ ન્યાય અને ગૌરવનું પ્રતીક માનવામાં આવે છે. મહિલા દિવસના અવસર પર, જાંબલી રંગ વિશ્વભરની મહિલાઓ સાથે એકતાની લાગણી દર્શાવે છે. આ સિવાય બે વધુ રંગો છે જે આ દિવસ સાથે જોડાયેલા છે. આંતરરાષ્ટ્રીય મહિલા દિવસની વેબસાઇટ અનુસાર, જાંબલી, લીલો અને સફેદ આંતરરાષ્ટ્રીય મહિલા દિવસના રંગો છે. જ્યાં લીલો રંગ આશા અને ખુશી સાથે જોડાયેલો છે. સફેદ રંગ શુદ્ધતાનું પ્રતીક માનવામાં આવે છે. આ ત્રણ રંગો મહિલાઓના જીવનમાં વિશેષ ભૂમિકા ભજવે છે.

આ વર્ષની થીમ(Women's Day 2024 theme)

દર વર્ષની જેમ આ વર્ષે પણ મહિલા દિવસની થીમ છે, "મહિલાઓમાં રોકાણ: પ્રગતિને વેગ આપો". જે મહિલાઓના સશક્તિકરણ માટે "ઇન્સ્પાયર ઇન્ક્લુઝન" અભિયાનની સાથે સ્પષ્ટ નીતિ નક્કી કરે છે. આ વર્ષે વિશ્વભરની સંસ્થાઓ પર ધ્યાન કેન્દ્રિત કરવામાં આવશે જેથી તેઓ તેમના વિકાસના દરેક પાસાઓમાં મહિલાઓની ક્ષમતાને ઓળખે અને તેનો ઉપયોગ કરે.

English summary

Women's Day 2024: Purple color used in women's day, its Meaning and reason, all details here.