IND vs NZ: ચેમ્પિયન્સ ટ્રોફી જીત્યા બાદ ખેલાડીઓને કેમ આપવામાં આવે છે સફેદ જેકેટ? જાણો આ પાછળનું કારણ

ટીમ ઈન્ડિયાએ ચેમ્પિયન્સ ટ્રોફીની ફાઈનલ મેચ જીતીને ત્રીજી વખત ખિતાબ જીતીને ઈતિહાસ રચ્યો છે. ભારતીય ટીમે 252 રનના લક્ષ્યાંકને પ્રાપ્ત કરીને કિવી ટીમનું સ્વપ્ન ચકનાચૂર કરી નાખ્યું. ભારતે કિવી ટીમ સાથે પોતાનો જૂનો સ્કોર પણ સરભર કર્યો.25 વર્ષ પહેલાં આ જ ફાઇનલમાં ટીમ ઇન્ડિયાનો ન્યુઝીલેન્ડ સામે પરાજય થયો હતો, ત્યારે ગાંગુલી કેપ્ટન હતો.

મેચ જીત્યા બાદ ભારતીય કેપ્ટને ટ્રોફી ઉંચકી લીધી. અગાઉ વિજય પછી ભારતીય ટીમને સફેદ જેકેટ ભેટમાં આપવામાં આવ્યા હતા. ટીમ ઈન્ડિયાના ખેલાડીઓ એક પછી એક આવ્યા અને સફેદ જેકેટ પહેરીને ટ્રોફી ઉપાડી. આ પાછળ પણ એક કારણ છે.

ચાહકોને આશ્ચર્ય થશે કે ટીમ ઈન્ડિયાને સફેદ જેકેટ કેમ આપવામાં આવ્યું છે. કિવી ટીમને આવું જેકેટ મળ્યું નથી. છેલ્લે 2017 માં, પાકિસ્તાની ટીમને પણ સફેદ જેકેટ પહેરવાની તક મળી હતી. હવે એ જાણવું મહત્વપૂર્ણ છે કે આવું કેમ થાય છે અને તેનું કારણ શું છે.

ICC અનુસાર, સફેદ જેકેટ ચેમ્પિયન ટીમ માટે સન્માનનો બેજ છે. તે વ્યૂહાત્મક શ્રેષ્ઠતા, નિશ્ચય અને સફળતાનો વારસો રજૂ કરે છે. ICC એ તેની વેબસાઇટ પર જણાવ્યું છે કે સફેદ જેકેટ ચેમ્પિયન ટીમ માટે સન્માનનો બેજ છે. તે વ્યૂહાત્મક પ્રતિભાના અવિરત પ્રયાસ અને પેઢીઓને પ્રેરણા આપતો વારસો દર્શાવે છે.

આ જ કારણ છે કે વિજેતા ટીમને આ જેકેટ સન્માનના પ્રતીક તરીકે પહેરવા માટે આપવામાં આવે છે અને હારેલી ટીમ સાથે આવું થતું નથી. દુબઈમાં પણ કિવી ટીમને જેકેટ મળ્યા ન હતા અને ટીમ ઈન્ડિયાને જીત્યા પછી પહેરવા માટે જેકેટ આપવામાં આવ્યા હતા. ભારતીય ટીમે ત્રીજી વખત ચેમ્પિયન્સ ટ્રોફીનો ખિતાબ જીતીને ઇતિહાસ રચ્યો; અન્ય કોઈ ટીમ ત્રણ વખત આ ખિતાબ જીતી શકી નથી.