T20 World Cup 2024: ટી20 વિશ્વકપ જીતવો હોય તો ગંભીરને બનાવો કોચ, ફેન્સની એક જ માંગ

Published: Monday, May 27, 2024, 13:37 [IST]

T20 World Cup 2024: કોલકાતા નાઈટ રાઈડર્સે આઈપીએલ 2024માં પોતાના શાનદાર પ્રદર્શનથી ટ્રોફી જીતી લીધી છે. જીત બાદ ટીમના કેપ્ટન શ્રેયસ અય્યર કરતા મેન્ટર ગૌતમ ગંભીરની વધુ ચર્ચા થઈ રહી છે.

કોલકાતાની આ જીત પાછળ ચાહકો ગૌતમ ગંભીરની મહેનતને કારણ ગણાવી રહ્યા છે. લાંબા સમય બાદ ગૌતમ ગંભીર કોલકાતા નાઈટ રાઈડર્સમાં પરત ફર્યો હતો, અને પરત આવતા જ તેમણે ટીમને ચેમ્પિયન બનાવી હતી.

ફાઈનલ મેચ હતી એકતરફી - રવિવારે રમાયેલી ફાઈનલ મેચમાં સનરાઈઝર્સ હૈદરાબાદની ટીમ ખરાબ રીતે ફ્લોપ થઈ હતી. ટોસ જીતીને પ્રથમ બેટિંગ કરવા ઉતરેલી હૈદરાબાદની ટીમ 113 રનમાં ઓલઆઉટ થઈ ગઈ હતી.

જેના જવાબમાં કોલકાતા નાઈટ રાઈડર્સે બે વિકેટ ગુમાવીને આસાનીથી લક્ષ્ય હાંસલ કરી લીધું હતું. ફાઈનલ મેચ એકતરફી રહી અને સનરાઈઝર્સ હૈદરાબાદની ટીમ ફરી એકવાર KKR સામે ફ્લોપ સાબિત થઈ.

ગંભીરને મુખ્ય કોચ બનાવવાની માંગ - સોશિયલ મીડિયા પર ગૌતમ ગંભીર વિશે ફેન્સ સતત કોમેન્ટ કરી રહ્યા છે. ચાહકોના મતે ગૌતમ ગંભીરને ટીમ ઈન્ડિયાનો મુખ્ય કોચ બનાવવો જોઈએ. ભારતીય ટીમ લાંબા સમયથી ICC ટ્રોફીની રાહ જોઈ રહી છે. જો ગૌતમ ગંભીર ટીમનો મુખ્ય કોચ બને છે તો જીતની શક્યતા વધી શકે છે.

ગંભીરે વર્લ્ડ કપમાં શાનદાર પ્રદર્શન કર્યું છે - ગૌતમ ગંભીર ભારતીય ટીમની બે વર્લ્ડ કપ વિજેતા ટીમનો ભાગ રહી ચૂક્યો છે. ગૌતમ ગંભીરને વર્ષ 2007 અને 2011માં ભારતીય ટીમના પ્લેઈંગ ઈલેવનમાં સામેલ કરવામાં આવ્યો હતો.

વર્ષ 2007માં ગૌતમ ગંભીરે T-20 વર્લ્ડ કપની ફાઇનલમાં પાકિસ્તાન સામે ટીમ માટે મહત્વપૂર્ણ ઇનિંગ રમી હતી. 2011 ODI વર્લ્ડ કપની ફાઈનલ મેચમાં શ્રીલંકા સામે ગૌતમ ગંભીરે ટીમ માટે મેચ વિનિંગ રન બનાવ્યા હતા.

ચાહકો આશા રાખે છે - ગૌતમ ગંભીર ભારત માટે મોટી મેચોમાં મેચ વિનિંગ પ્રદર્શન આપી રહ્યો છે. આવી સ્થિતિમાં ચાહકોને આશા છે કે, જો તે કોચ બનશે, તો ભારતીય ટીમ નવી દિશામાં આગળ વધી શકે છે.

Denied a @BCCI central contract for reasons that have never been fully made clear, @ShreyasIyer15 has shown the best way to send a message to his critics : win the IPL in style . Well done to a young man who deserves better surely. #KKR
— Rajdeep Sardesai (@sardesairajdeep) May 26, 2024