Shubman Gill: બૉલિવુડની આ હસીનાને દિલ દઈ બેઠા શુભમન ગિલ! સાથે ફરી રહ્યા છે લંડનમાં અને...

Published: Friday, December 8, 2023, 10:45 [IST]

Shubman Gill Snapped with Avneet Kaur: ભારતીય ટીમના યુવા ઓપનિંગ બેટ્સમેન શુભમન ગિલ હાલમાં બ્રેક પર છે. ODI વર્લ્ડ કપ 2023 પછી, શુભમન ગિલ ઑસ્ટ્રેલિયા સામેની 5 મેચની T20 શ્રેણીમાં ટીમનો ભાગ નહોતો. આ સિવાય શુભમન ગિલ સાઉથ આફ્રિકા પ્રવાસ પર પણ ભારતીય ટીમ સાથે નથી જઈ રહ્યો.

ગિલને સાઉથ આફ્રિકા સામેની ટી-20 અને વનડે બંને શ્રેણીમાંથી આરામ આપવામાં આવ્યો છે. આ બંને વર્લ્ડ કપમાં જોરદાર ઇનિંગ રમનાર શુભમન ગિલ એક મ્યુઝિક વીડિયોમાં વ્યસ્ત જોવા મળ્યો છે. ગિલ ટૂંક સમયમાં એક મ્યુઝિક વીડિયોમાં જોવા મળશે.

શુભમન ગિલ લંડનમાં રાઘવ શર્મા, અવનીત કૌર અને અંશુલ ગર્ગ સાથે જોવા મળ્યો હતો. શુભમનની તસવીર સોશિયલ મીડિયા પર ઝડપથી વાયરલ થઈ રહી છે. જેના પર ચાહકો સતત પોતાની પ્રતિક્રિયા આપી રહ્યા છે. સોશિયલ મીડિયા પર વાયરલ થયેલી તસવીરમાં ગિલ સાથે રાઘવ શર્મા અને બોલિવૂડ એક્ટ્રેસ અનવીત કૌર પણ જોવા મળી રહી છે.

સોશિયલ મીડિયા પર આ તસવીર વાયરલ થયા બાદ શુભમન ગિલ વિશે અનેક પ્રકારના સમાચારો સામે આવી રહ્યા છે. કેટલાક ચાહકો કહી રહ્યા છે કે ગિલ અને અવનીત કૌર વચ્ચે અફેર છે. તમને જણાવી દઈએ કે શુભમન ગિલનું નામ ઘણીવાર સચિન તેંડુલકરની પુત્રી સારા તેંડુલકર સાથે જોડવામાં આવ્યું છે. આવી સ્થિતિમાં બૉલિવુડની આ અભિનેત્રી સાથે ગિલનું નામ સામે આવતાં ચાહકોને આશ્ચર્ય થયું છે.

વાસ્તવમાં, સત્ય એ છે કે જે મ્યુઝિક વીડિયોમાં શુભમન ગિલ કામ કરવા જઈ રહ્યો છે. તેના કાસ્ટિંગ ડિરેક્ટર રાઘવ શર્મા છે અને તેમાં અવનીત કૌર પણ જોવા મળી શકે છે. શુભમન ગિલ તેના આગામી મ્યુઝિક વીડિયોની તૈયારી કરી રહ્યો છે.

શુભમનના ફોટો પર એક પ્રશંસકે લખ્યું, અવનીત કૌર સાથે ફટાફટ ત્યાંથી દૂર જાઓ, જો સારા તેંડુલકરે આ જોઈ લીધુ તો તમારે મનાવવા માટે ઘણી મહેનત કરવી પડશે. અન્ય એક યુઝરે લખ્યું કે હે, ભગવાન શું થઈ રહ્યું છે, ગિલના મગજમાં શું ચાલી રહ્યું છે. તે બૉલિવુડમાં તો જવા માંગતો નથીને. જ્યારે એક પ્રશંસકે લખ્યું, ગિલ, તમારા ક્રિકેટ પર ધ્યાન આપો, તમે ક્રિકેટમાં શ્રેષ્ઠ છો, તમે તમારી લાઇન કેમ બદલી રહ્યા છો?

તમને જણાવી દઈએ કે બૉલિવુડ એક્ટ્રેસ અવનીત કૌર અને શુભમન ગિલ વચ્ચે કોઈ પ્રકારનું અફેર નથી. બલ્કે બંને કામના સંબંધમાં એકબીજાને મળી રહ્યા છે. અવનીત કૌરે તાજેતરમાં રાઘવ શર્માને તેમના જન્મદિવસ પર શુભેચ્છા પાઠવી હતી. રાઘવ શર્માને તેમના જન્મદિવસ પર શુભેચ્છા પાઠવતા, કૌરે તેમના સોશિયલ મીડિયા એકાઉન્ટ પર તેમની સાથે પોતાની એક તસવીર પણ શેર કરી હતી.