15 બોલમાં જેક ફ્રેઝરે ફટકારી ફિફ્ટી, જુઓ સિક્સરનો વરસાદ

Published: Sunday, April 21, 2024, 10:19 [IST]

Jake Fraser hits fifty: આ વખતે IPL 2024માં એક પછી એક રેકોર્ડ તુટી રહ્યા છે અને બની રહ્યા છે. સનસાઇજર્સ હેદરાબાદ અને દિલ્હી કેપિટલ્સ વચ્ચે રમાયેલી મેચમાં ઘણા રેકોર્ડ બન્યા છે. જોકે, દિલ્હીની ટીમ અત્યાર સુધી ક્યારેય આઇપીએલ ટ્રોફી જીતી નથી.

દિલ્હીની ટીમ સતત ત્રણ વખત પ્લેઓફમાં પોતાની જગ્યા બનાવવામાં સફળ રહી છે. દિલ્હીની ટીમે 2019, 2020, 2021માં પ્લેઓફમાં પોતાની જગ્યા બનાવી હતી. જ્યારે 2020માં દિલ્હીની ટીમ રનર અપ રહી હતી.

દિલ્હીના બેટ્સમેનોએ ઘણા પ્રસંગોએ સારું પ્રદર્શન કર્યું હતું. ઘણા મોટા સ્કોરનો પીછો કરતા દિલ્હીની ટીમે આ સિદ્ધિ મેળવી હતી. હૈદરાબાદ સામેની મેચમાં એક સમયે એવું લાગી રહ્યું હતું કે, દિલ્હીની ટીમ 267 રનનો લક્ષ્યાંક હાંસલ કરશે.

જેની પાછળનું મુખ્ય કારણ જેક ફ્રેઝર મેગાર્ક અને અભિષેક પોરેલની તોફાની ઇનિંગ્સ હતી. જેક ફ્રેઝરે આ મેચમાં દિલ્હીની ટીમ માટે સૌથી ઝડપી અડધી સદી ફટકારવાનો રેકોર્ડ બનાવ્યો હતો. તેમણે માત્ર 15 બોલમાં 50 રનની ઇનિંગ રમીને દિલ્હીની ટીમની જીતની આશા જીવંત રાખી હતી.

આ પહેલા દિલ્હી માટે સૌથી ઝડપી અડધી સદીનો રેકોર્ડ ક્રિસ મોરિસના નામે હતો. તેણે 2016માં ગુજરાત સામે 17 બોલમાં 50 રનની ઇનિંગ રમી હતી. આ મેચમાં ગુજરાતની ટીમે 172 રન બનાવ્યા હતા, મેચમાં ક્રિસ મોરિસે તોફાની ઇનિંગ રમી હતી. જોકે, આ મેચમાં દિલ્હીની ટીમને એક રનથી હારનો સામનો કરવો પડ્યો હતો.

દિલ્હી તરફથી ત્રીજી સૌથી ઝડપી અડધી સદી ઋષભ પંતના નામે છે. તેણે 2019માં મુંબઈ ઈન્ડિયન્સ સામે 18 બોલમાં 50 રનની ઈનિંગ રમી હતી. પંતે મેચમાં 27 બોલમાં 78 રનની અણનમ ઇનિંગ રમી હતી. આ ઇનિંગમાં તેણે 7 ફોર અને 7 સિક્સર ફટકારી હતી. તેની ઇનિંગની મદદથી દિલ્હીની ટીમે 213 રન બનાવ્યા હતા.

જ્યારે દિલ્હી માટે ચોથી સૌથી ઝડપી અડધી સદી ફટકારવાનો રેકોર્ડ પૃથ્વી શૉના નામે છે. તેણે 2021માં KKR સામે 18 બોલમાં અડધી સદી ફટકારી હતી. શૉએ મેચમાં 31 બોલમાં 82 રન બનાવ્યા હતા. જેના કારણે દિલ્હીની ટીમે એક ઓવર બાકી રહેતા મેચ જીતી લીધી હતી.

This lad jack fraser Mcgurk can eat 100 abd 1000 pollard 10000 butler in his breakfast!#IPL2024 #RishabhPant #JackFraserMcgurk #MivPK #DCvSRH pic.twitter.com/25Jt5qENtq
— Captain of DC (RP¹⁷ ) (@Branded_Tweet) April 18, 2024