IPL 2025 Auction : રિક્ષા ચલાવતા પિતાના દિકરાએ આઈપીએલ ઓક્શનમાં લોટરી, 8 કરોડમાં દિલ્હીએ ખરીદ્યો

IPL 2025 Auction : આઈપીએલ મેગા ઓક્શનમાં બિહારના બોલર મુકેશ કુમારને લોટરી લાગી છે. દિલ્હી કેપિટલ્સે તેને 8 કરોડ રૂપિયામાં ટીમમાં સામેલ કર્યો છે.

ઓક્શનના બીજા દિવસે દિલ્હી કેપિટલ્સે ફાસ્ટ બોલર મુકેશ કુમારને રાઈટ-ટુ-મેચનો ઉપયોગ કરીને 8 કરોડ રૂપિયામાં ટીમમાં સામેલ કર્યો છે.

મુકેશ કુમારે આઈપીએલ 2024માં દિલ્હી કેપિટલ્સ તરફથી સંયુક્ત રીતે સૌથી વધુ વિકેટ લેનાર ખેલાડી હતો. રિલીઝ કર્યા બાદ દિલ્હી કેપિટલ્સે ફરી મુકેશ કુમાર પર વિશ્વાસ વ્યક્ત કર્યો છે અને 8 કરોડ ચુકવીને ટીમમાં સામેલ કર્યો છે.

જણાવી દઈએ કે, IPL 2024માં મુકેશ કુમારનું પ્રદર્શન શાનદાર રહ્યું હતુ. તેની બોલિંગે ટીમની જીતમાં મહત્વની ભૂમિકા ભજવી હતી.

પંજાબ કિંગ્સે મુકેશ કુમાર માટે લાંબા સમય સુધી બોલી લગાવી પરંતુ અંતે દિલ્હીએ મુકેશ કુમાર માટે RTMનો ઉપયોગ કર્યો. આ પછી પ્રીતિ ઝિન્ટાની ઈચ્છા અધૂરી રહી ગઈ.

મુકેશ કુમારની આઈપીએલ કારકિર્દી પ્રભાવશાળી રહી છે. તેણે દિલ્હી કેપિટલ્સ માટે 2023 માં લખનૌ સુપર જાયન્ટ્સ સામે IPL કરિયરની શરૂઆત કરી હતી. તેણે 20 મેચ રમી છે અને 29ની એવરેજ અને 10.43ના ઇકોનોમી રેટથી 24 વિકેટ લીધી છે. IPL 2024 સિઝનમાં તેણે 10 મેચમાં 21.64ની એવરેજથી 17 વિકેટ લીધી છે.

મુકેશ કુમાર બિહારથી આવે છે અને ગોપાલગંજ જિલ્લાના કાકરકુંડ ગામનો રહેવાસી છે. મીડિયા રિપોર્ટ અનુસાર, મુકેશના પિતા ઓટો ચલાવતા અને તેઓ ઈચ્છતા હતા કે તેમનો પુત્ર સરકારી અધિકારી બને.

મુકેશ કુમારે સીઆરપીએફની પરીક્ષા આપી પરંતુ જ્યારે તેને સફળતા ન મળી, તો તેણે હાર માનવાને બદલે પોતાનું સપનું ચાલુ રાખ્યું અને નવો રસ્તો શોધ્યો. આજે તેણે ક્રિકેટની દુનિયામાં પોતાની અલગ ઓળખ બનાવી છે.

English summary

IPL 2025 Auction: Delhi bought the son of a rickshaw-driving father for Rs 8 crore in the IPL auction.