IPL 2024 : રોહિત શર્મા પર ફિદા થઈ મેથ્યુ હેડનની પુત્રી, જુઓ વીડિયો

આઈપીએલમાં મુંબઈ ઈન્ડિયન્સ ભલે નબળુ પ્રદર્શન કરી રહી હોય પરંતુ રોહિત શર્મા શાનદાર અંદાજમાં ક્રિકેટ રમી રહ્યો છે. રોહિત શર્મામા આ અંદાજ પર મેથ્યુ હેડનની પુત્રી ફિદા થઈ છે.

રોહિત શર્માની ફેન ફોલોઈંગ જબરદસ્ત છે. જો તમે મુંબઈના વાનખેડે સ્ટેડિયમમાં મેચ જોવા જઈ રહ્યા છો તો ખાતરી રાખો કે મોટાભાગના દર્શકો 45 નંબર લખેલી વાદળી જર્સી પહેરીને જોવા મળે છે.

ક્રિકેટ એક્સપર્ટથી લઈને એન્કર સુધીના દરેક લોકો રોહિત શર્માના ફેન્સ છે. હવે ઓસ્ટ્રેલિયાના મહાન બેટ્સમેન મેથ્યુ હેડનની પુત્રી પણ આ રંગમાં રંગાઈ છે. ગ્રેસ હેડન મુંબઈ પહોંચી ત્યારે તે રાજા રોહિત શર્માને ચિયર કરતી જોવા મળી.

બહું ઓછા લોકો ગ્રેસને ઓળખી શક્યા. આ જ કારણ છે કે તે મિસ્ટ્રી ગર્લ તરીકે સોશિયલ મીડિયા પર વાયરલ થઈ ગઈ. જણાવી દઈએ કે, ગ્રેસ IPL 2024 માટે સત્તાવાર બ્રોડકાસ્ટર સાથે સંકળાયેલી છે.

મુંબઈ ઈન્ડિયન્સે તેની છેલ્લી મેચ વાનખેડે સ્ટેડિયમમાં સનરાઈઝર્સ હૈદરાબાદ સામે રમી હતી. આ સમય દરમિયાન ગ્રેસ સ્ટેડિયમ બહાર લોકો વચ્ચે હતી. અહીં તેની લોકપ્રિયતા જોવા મળતી હતી.

ફેન્સ ગ્રેસની એક ઝલક મેળવવા માટે ઉત્સુક હતા. જો કે, ગ્રેસ તેના કામને સારી રીતે જાણે છે. થોડી જ વારમાં તેણે ચાહકોને તેના દિવાના બનાવી દીધા.

તેણી મુંબઈના બિનસત્તાવાર સ્લોગન મુંબઈચા રાજા રોહિત શર્માના સ્લોગન લગાડાવતી જોવા મળી. આ દરમિયાન તેણી પોતે પણ સ્લોગન લગાવતી દેખાઈ.

21 વર્ષની ગ્રેસ સ્પોર્ટ્સ પ્રેઝન્ટર અને એન્કર છે. એમાં કોઈ શંકા નથી કે તે માત્ર સુંદર જ નથી દેખાતી પણ ઉત્તમ એન્કરિંગ પણ કરે છે.

English summary

IPL 2024: Mathew Hayden's daughter injured in Rohit Sharma's love, watch video