Birthday special : આજે પણ અટૂટ છે રાહુલ દ્રવિડના આ 5 રેકોર્ડ, ધ વોલ સામે સચિન-કોહલી પણ છે ફિક્કા

Happy Birthday Rahul Dravid : ભારતીય ક્રિકેટને નવી ઉંચાઈએ લઈ જનારા ખેલાડી અને કેપ્ટનમાં સામેલ રહેલા રાહુલ દ્વવિડનો આજે પણ કોઈ મુકાબલો નથી.

ઘણી વખત એકલા હાથે મેચ બચાવનારા રાહુલ દ્રવિડને ધ વોલના નામે ઓળખવામાં આવે છે. રાહુલ દ્વવિડને ધ વોલ બનાવનારા કેટલાક રેકોર્ડ વર્ષો બાદ આજે પણ અટૂટ છે.

રાહુલ દ્રવિડ 11 જાન્યુઆરીએ પોતાનો 52 મોં જન્મ દિવસ ઉજવી રહ્યો છે.શાનદાર ટેકનિક અને શાંત વર્તન માટે જાણીતા દ્રવિડે મુશ્કેલ પરિસ્થિતિઓમાં પણ ભારતની બેટિંગ લાઇનઅપને સંભાળવાની ક્ષમતા માટે ધ વોલ ઉપનામ મળ્યુ છે.

1996 માં આંતરરાષ્ટ્રીય ક્રિકેટમાં સફળતા
રાહુલ દ્રવિડે 1996 માં ઈંગ્લેન્ડ સામે વન ડે અને ટેસ્ટ ક્રિકેટમાં આંતરરાષ્ટ્રીય ડેબ્યુ કર્યુ હતું. દ્રવિડે ટેસ્ટ કરિયરમાં 16 વર્ષમાં 31258 બોલનો સામનો કર્યો, આ રેકોર્ડ આજે પણ અટૂટ છે.

ટેસ્ટ ક્રિકેટમાં ક્રિઝ પર 44152 મીનિટનો સમય વિતાવ્યો
રાહુલ દ્રવિડને સૌથી મુશ્કેલ પડકારો અને મુશ્કેલ બોલરોનો સામનો કરવાની તેમની ક્ષમતાએ આંતરરાષ્ટ્રિય ઓળખ અપાવી. 210 કેચ ટેસ્ટ ક્રિકેટમાં વિકેટકીપર સિવાયના કોઈ પણ ખેલાડી દ્વારા લેવામાં આવેલા સૌથી વધુ કેચનો રેકોર્ડ છે. દ્રવિડે ટેસ્ટ ક્રિકેટમાં કુલ 44,152 મિનિટ ક્રીઝ પર વિતાવી, જે રમત પ્રત્યેની તેમની સતત પ્રતિબદ્ધતાનો પુરાવો છે.

દ્રવિડે 2004 માં પાકિસ્તાન સામેની 270 રનની ઇનિંગ્સ દરમિયાન 740 મિનિટ સુધી બેટિંગ કરી. આ ભારતીય બેટ્સમેન દ્વારા રમાયેલી સૌથી લાંબી ઇનિંગ્સ છે. ટેસ્ટ ક્રિકેટમાં સૌથી વધુ સદીની ભાગીદારીનો રેકોર્ડ પણ દ્વવિડના નામે છે, જેમાં 88 સદી સામેલ છે.

આ સિવાય 344 વનડેમાં 10889 રન બનાવ્યા, જેમાં 12 સદી અને 83 અડધી સદીનો સમાવેશ થાય છે. 1999 ન્યુઝીલેન્ડ સામે સચિન તેંડુલકર સાથેની તેમની વિશ્વ વિક્રમી 331 રનની ભાગીદારી વનડે ક્રિકેટની શ્રેષ્ઠ ક્ષણોમાંની એક છે.

નિવૃત્તિ પછી દ્રવિડે કોચિંગ અને માર્ગદર્શન ક્ષેત્રે કામ શરૂ કર્યું. ભારત A અને અંડર-19 ટીમોના કોચ તરીકે તેણે યુવા પ્રતિભાઓને વિકસાવવામાં મદદ કરી.

રાહુલ દ્રવિડના નોંધપાત્ર રેકોર્ડ

• ટેસ્ટ ક્રિકેટમાં સૌથી વધુ બોલ : દ્રવિડે ટેસ્ટ ક્રિકેટમાં 31,258 બોલનો સામનો કર્યો, જે એક રેકોર્ડ છે.
• ટેસ્ટ ક્રિકેટમાં નોન-વિકેટકીપર દ્વારા સૌથી વધુ કેચ : દ્રવિડે ટેસ્ટ ક્રિકેટમાં 210 કેચ ઝડપ્યા.
• સૌથી વધુ સમય ક્રીઝ પર વિતાવ્યો : દ્રવિડે ટેસ્ટ ક્રિકેટમાં કુલ 736 કલાક ક્રીઝ પર વિતાવ્યા.
• વનડે અને ટેસ્ટ બંનેમાં 10 હજારથી વધુ રન બનાવનાર બીજો ભારતીય : દ્રવિડે વનડેમાં 10889 રન અને ટેસ્ટમાં 13288 રન બનાવ્યા છે.
• 2024 T20 વર્લ્ડ કપમાં ભારતને વિજય અપાવ્યો : દ્રવિડ ભારતીય ટીમના મુખ્ય કોચ હતા ત્યારે ભારતે 2024 T20 વર્લ્ડ કપ જીત્યો.

English summary

Birthday special: These 5 records of Rahul Dravid are still unbroken today