ક્રિસ ગેઇલના હોટેલ રૂમમાંથી પકડાઈ ત્રણ બ્રિટિશ યુવતીઓ

Published: Wednesday, October 3, 2012, 19:48 [IST]

કોલંબો, 3 ઓક્ટોબર: વેસ્ટઇન્ડીઝના વિસ્ફોટક બેટ્સમેન ક્રિસ ગેઇલના હોટેલના રૂમમાંથી ત્રણ બ્રિટિશ યુવતીઓની ધરપકડ કરવામાં આવી છે. રૂમમાં યુવતીયોની સાથે ગેઇલ ઉપરાંત એન્ડ્ર્યુ રસેલ, અને એડવર્ડ પણ હાજર હતો. આ યુવતીઓને વધુ તપાસ માટે પોલીસના હવાલે કરી દેવાઇ છે.

અત્રે ઉલ્લેખનીય છે કે ટી-ટ્વેન્ટી વર્લ્ડકપ માટે આ ટીમ હાલમાં શ્રીલંકામાં છે. વેસ્ટઇન્ડિઝની ટીમ કોલંબોમાં હોટેલ સિનામેનમાં રોકાઇ છે. ખેલાડીયોના સુરક્ષાગાર્ડે આ ત્રણે યુવતીયોને પકડી પોલીસને હવાલે કરી દીધી હતી.

પોલીસે જણાવ્યું કે આ અંગે આઇસીસીએ કોઇ વાંધો ઉઠાવી ફરીયાદ નોંધાવી નથી. જોકે સામાન્ય પૂછતાછ બાદ આ યુવતીયોને છોડી મૂકાઇ હતી.

વેસ્ટઇન્ડિઝની ટીમે ટી-ટ્વેન્ટી વર્લ્ડકપના સેમિફાઇનલમાં સ્થાન મેળવી લીધું છે અને શુક્રવારે તેનો મુકાબલો ઓસ્ટ્રેલિયા સામે થશે.

Published On October 3, 2012