કોણ છે ઝારા શતાવરી? જે દુનિયાના પહેલા AI બ્યુટી કોન્ટેસ્ટમાં ભાગ લેવા જઈ રહી છે?

આ દિવસોમાં દુનિયાભરમાં AI જનરેટેડ મોડલ ઝારા શતાવરીની ખુબ ચર્ચા છે. આ ચર્ચા AI મોડલ્સના બ્યુટી કોન્ટેસ્ટને લઈને છે.

AI જનરેટેડ મોડલ ઝારા શતાવરી સોશિયલ મીડિયા Pપર ખૂબ જ લોકપ્રિય છે. AI મૉડલ્સની વિશ્વની પ્રથમ સૌંદર્ય સ્પર્ધા થઈ રહી છે. બ્રિટનની ફેનવ્યુ કંપની વર્લ્ડ એઆઈ ક્રિએટર એવોર્ડ્સના સહયોગથી આ સ્પર્ધાનું આયોજન કરી રહી છે.

આમાં ભારતની AI મોડલ ટોપ-10માં સામેલ થઈ છે. ફેનવ્યુ દ્વારા આયોજિત આ અભૂતપૂર્વ સ્પર્ધાએ સૌંદર્ય, ટેકનોલોજી અને સામાજિક પ્રભાવના મિશ્રણને દર્શાવીને વિશ્વનું ધ્યાન ખેંચ્યું છે. ભારતનું પ્રતિનિધિત્વ કરતી ઝારાને 1,500 થી વધુ આંતરરાષ્ટ્રીય એન્ટ્રીઓમાંથી પસંદ કરવામાં આવી છે.

કોણ છે ઝારા શતાવરી?
ઝારા શતાવરીનું નિર્માણ એક ભારતીય મોબાઈલ એડવર્ટાઈઝિંગ એજન્સીના સહ-સ્થાપક રાહુલ ચૌધરી દ્વારા કરવામાં આવ્યું હતું અને તેમાં અદ્યતન ટેકનોલોજી અને સાંસ્કૃતિક અધિકૃતતાનું મિશ્રણ છે. ઝારા સ્વાસ્થ્ય અને ફિટનેસ ઈન્ફ્લુએન્સર છે. તેણીનું એક સોશિયલ મીડિયા પેજ પણ છે, જ્યાં તે સ્વાસ્થ્ય અને ફેશનને લગતી ટિપ્સ આપતી રહે છે. ઈન્સ્ટાગ્રામ પર તેના 8 હજારથી વધુ ફોલોઅર્સ છે.

માહિતી અનુસાર, કુલ રોકડ પુરસ્કાર $20,000 ( 16 લાખ) કરતાં વધુ છે. 10.84 લાખ રૂપિયા ઉપરાંત મિસ એઆઈ બનનાર મોડલને પબ્લિક રિલેશન માટે 4.17 લાખ રૂપિયા આપવામાં આવશે.

બે AI ન્યાયાધીશો ઉપરાંત પીઆર સલાહકાર એન્ડ્ર્યુ બ્લોચ અને બિઝનેસવુમન સેલી એન-ફોસેટ પણ આ સ્પર્ધામાં જજ તરીકે હાજર રહેશે. સ્પર્ધાના પ્રથમ તબક્કામાં 1500 પ્રતિભાગીઓમાંથી ટોચના 10 AI મોડલની પસંદગી કરવામાં આવી છે. હવે પ્રથમ 3 સ્થાન મેળવનાર મોડલને ઇનામ આપવામાં આવશે.

English summary

Who is Zara Shatavari? Who is going to participate in the world's first AI beauty contest?