ઈન્ટરનેશનલ કોર્ટમાં ઈઝરાયેલી પીએમ અને હમાસ ચીફ પર નરસંહારનો આરોપ, ધરપકડ વોરંટની માંગ
હમાસના હુમલા બાદ ઈઝરાયેલી સેનાએ હજારો નિર્દોષ લોકોના જીવ લીધા છે. હવે આ મામલો ઈન્ટરનેશનલ કોર્ટમાં પહોંચ્યો છે.
ઈન્ટરનેશનલ ક્રિમિનલ કોર્ટના મુખ્ય વકીલે ઈઝરાયેલના વડાપ્રધાન બેન્જામિન નેતન્યાહુ સહિત ઈઝરાયેલ અને હમાસના નેતાઓની ધરપકડ માટે વોરંટની માંગણી કરી છે.
ફરિયાદી કરીમ ખાને જણાવ્યું કે, તેઓ માને છે કે નેતન્યાહુ, તેમના સંરક્ષણ પ્રધાન યોવ ગાલાંટ અને ત્રણ હમાસ નેતાઓ યાહ્યા સિનવર, મોહમ્મદ ડેઇફ અને ઇસ્માઇલ હનીયેહ ગાઝા પટ્ટી અને ઇઝરાયેલમાં યુદ્ધ માટે જવાબદાર છે.
ઇઝરાયેલ કોર્ટનું સભ્ય નથી અને ધરપકડ વોરંટ જારી કર્યા બાદ પણ નેતન્યાહુ અને ગેલન્ટને કોઈ ખતરો નથી. ખાનની માંગ ઇઝરાયલી નેતાઓ માટે વિદેશ પ્રવાસ માટે મુશ્કેલી ઊભી કરી શકે છે.
સૂત્રોનું માનીએ તો, સિનવાર અને ડેઈફ બંને ગાઝામાં છુપાયેલા છે. આતંકવાદી જૂથનો સર્વોચ્ચ નેતા, હનીયેહ કતરમાં છુપાયેલો છે અને તે પ્રદેશનો પ્રવાસ કરે છે. ઈઝરાયેલ ત્રણેયને મારવાના સતત પ્રયાસો કરી રહ્યું છે.
પૂર્વ લશ્કરી વડા અને યુદ્ધ કેબિનેટ સભ્ય બેની ગેન્ટ્ઝે ખાનની માંગણીની આકરી ટીકા કરી છે. તેમણે કહ્યું કે, ઈઝરાયેલમાં સૌથી કડક નૈતિક મૂલ્યો છે. અમારી પાસે એક મજબૂત ન્યાયતંત્ર છે, જે પોતે તપાસ કરવા સક્ષમ છે. તેમણે કહ્યું કે ધરપકડ વોરંટની માંગ પોતાનામાં એક ઐતિહાસિક ગુનો છે.
ઉલ્લેખનીય છે કે 7 ઓક્ટોબરે સવારે હમાસ દ્વારા ઇઝરાયેલના શહેરો પર લગભગ 5000 રોકેટ છોડવામાં આવ્યા હતા. જે બાદ બંને પક્ષો વચ્ચે યુદ્ધ ચાલુ રહે છે. ઈઝરાયેલે આ હુમલાને આતંકવાદી હુમલો ગણાવ્યો છે.
ઇઝરાયલના વડાપ્રધાન બેન્જામિન નેતન્યાહુએ જાહેરાત કરી છે કે જ્યાં સુધી હમાસનો સંપૂર્ણ નાશ ન થાય ત્યાં સુધી તેઓ યુદ્ધવિરામનો અંત નહીં કરે. ગાઝાના આરોગ્ય અધિકારીઓના જણાવ્યા અનુસાર, ઈઝરાયેલના હુમલામાં 35,000 થી વધુ પેલેસ્ટાઈનના મોત થયા છે. જેમાં મોટાભાગની મહિલાઓ અને બાળકો છે. 80% વસ્તી વિસ્થાપિત થઈ ગઈ છે અને હજારો લોકો ભૂખમરાની ઝપેટમાં છે.
Click it and Unblock the Notifications
Sign in with Google
