વૃદ્ધાવસ્થામાં માતૃત્વનું અનોખું ઉદાહરણ: 66 વર્ષની મહિલાએ કુદરતી રીતે ગર્ભ ધારણ કરી 10માં બાળકને આપ્યો જન્મ

જર્મનીમાં એક 66 વર્ષીય મહિલાએ કોઈપણ ઇન-વિટ્રો ફર્ટિલાઇઝેશન તકનીકનો આશરો લીધા વિના કુદરતી રીતે ગર્ભધારણ કરીને તેના 10મા બાળકને જન્મ આપ્યો છે. એલેક્ઝાન્ડ્રા હિલ્ડેબ્રાન્ડે 19 માર્ચે બર્લિનની ચેરિટ હોસ્પિટલમાં સિઝેરિયન દ્વારા પોતાના પુત્ર ફિલિપનું સ્વાગત કર્યું.

જન્મ સમયે નવજાત શિશુનું વજન 7 પાઉન્ડ 13 ઔંસ હતું અને તે સંપૂર્ણપણે સ્વસ્થ હતું. બર્લિનમાં ચેકપોઇન્ટ ચાર્લી ખાતે વોલ મ્યુઝિયમના માલિક અને ડિરેક્ટર શ્રીમતી હિલ્ડેબ્રાન્ડ 1970 ના દાયકાના અંતમાં પહેલી વાર માતા બન્યા. ખાસ વાત એ છે કે તેણીએ 50 વર્ષની ઉંમર પૂર્ણ કર્યા પછી તેના આઠ બાળકોને જન્મ આપ્યો અને તે બધાનો જન્મ સિઝેરિયન ડિલિવરીદ્વારા થયો હતો.

બાળકોના જન્મ અંગે તેમણે જણાવ્યું હતુ કે, "મોટું કુટુંબ હોવું એ માત્ર એક અદ્ભુત અનુભવ નથી, પરંતુ બાળકોના યોગ્ય ઉછેર માટે પુુણ તે જરૂરી છે," તેમના ચિકિત્સક, ડૉ. વુલ્ફગેંગ હેનરિચ, એક પ્રખ્યાત OB/GYN નિષ્ણાત, એ તેમની ગર્ભાવસ્થાને પ્રમાણમાં સરળ ગણાવી. તેમણે કહ્યું કે શ્રીમતી હિલ્ડેબ્રાન્ડે તેમના ઉત્તમ શારીરિક સ્વાસ્થ્ય અને માનસિક મજબૂતાઈને કારણે સફળતાપૂર્વક તેનું સંચાલન કર્યું.

આ ઉંમરે કુદરતી રીતે ગર્ભધારણ કરવાના રહસ્ય વિશે પૂછવામાં આવ્યું ત્યારે, તેણીએ તેની સક્રિય જીવનશૈલીને મુખ્ય કારણ ગણાવી. "હું હંમેશા સ્વસ્થ આહાર પર ધ્યાન આપું છું, દરરોજ એક કલાક સ્વીમ કરું છું, બે કલાક દોડુ છું, ધૂમ્રપાન કે દારૂ પીવાનું ટાળું છું અને ક્યારેય જન્મ નિયંત્રણનો ઉપયોગ કર્યો નથી.

પરિવાર અને બાળકોના ઉછેર અંગેના પોતાના વિચારો શેર કરતા તેમણે કહ્યું કે સમાજે વધુ બાળકોના જન્મને પ્રોત્સાહન આપવું જોઈએ. તેમણે કહ્યું, "આજકાલ સમાજમાં બાળકો પ્રત્યે અણગમો છે, પરંતુ જ્યારે લોકો બાળકો સાથે સમય વિતાવે છે, ત્યારે તેમના વિચાર બદલાઈ જાય છે. આપણે વધુ બાળકોના જન્મ પ્રત્યે સકારાત્મક વલણ અપનાવવું જોઈએ."

નોંધનીય છે કે શ્રીમતી હિલ્ડેબ્રાન્ડ એકમાત્ર મહિલા નથી જેમણે મોટી ઉંમરે માતૃત્વ પ્રાપ્ત કર્યું છે. નવેમ્બર 2023 માં, યુગાન્ડાની 70 વર્ષીય સફિના નામુકવાયાએ IVF ટેકનોલોજીની મદદથી જોડિયા બાળકોને જન્મ આપ્યો. આ પહેલા તેણે 2020 માં પણ એક બાળકીને જન્મ આપ્યો હતો.