Gujarat assembly bypoll 2024: વિધાનસભાની પેટાચૂંટણીમાં વાઘોડિયા બેઠક પર ધર્મેન્દ્રસિંહ વાઘેલાની જીત
Gujarat assembly bypoll 2024 : લોકસભા ચૂંટણી સાથે ગુજરાત વિધાનસભામાં ખાલી પડેલી બેઠક માટે પેટાચૂંટણી પણ યોજાઇ હતી. જેની મતગણતરી આજે કરવામાં આવી રહી છે. ખંભાત વિધાનસભાની પેટાચૂંટણીની મતગણતરી તમામ 18 રાઉન્ડમાં પૂર્ણ થઈ ગઈ છે.
મધ્ય ગુજરાતની વાઘોડિયા વિધાનસભા બેઠકની પેટાચૂંટણીમાં શાસક ભારતીય જનતા પાર્ટી (BJP)ના ઉમેદવાર ધર્મેન્દ્રસિંહ વાઘેલા (બાપુ) એ જીત મેળવી છે.
ધર્મેન્દ્રસિંહ વાઘેલાને 1,21,265 મત મળ્યા હતા, જ્યારે તેમના હરીફ ઉમેદવાર કોંગ્રેસના કનુભાઈ ગોહિલ 42,694 મત મેળવી શક્યા હતા. આમ ધર્મેન્દ્રસિંહ વાઘેલા 79,112 મતોથી વિજયી બન્યા હતા.
અત્રે ઉલ્લેખનીય બાબત છે કે, અપક્ષ ધારાસભ્ય તરીકે ધર્મેન્દ્રસિંહ વાઘેલાના રાજીનામાને કારણે આ બેઠક પર પેટાચૂંટણી જરૂરી ફરજ પડી હતી. જે બાદ ધર્મેન્દ્રસિંહ વાઘેલા ફરી ભાજપમાં જોડાયા હતા, અને ભાજપના ઉમેદવાર તરીકે પેટાચૂંટણી લડ્યા હતા.
Click it and Unblock the Notifications
Sign in with Google
