ભાજપના ઉમેદવાર લક્કી, ચૂંટણી લડ્યા પહેલા જ જીત નક્કી

Lok Sabha Election 2024: ગુજરાત રાજકારણના મોટા સમાચાર સામે આવી રહ્યા છે. સુરત લોકસભા બેઠક પરથી કોંગ્રેસ ઉમેદવાર નિલેશ કુંભાણીનું ઉમેદવારી ફોર્મ રદ્દ થઇ ગયું છે. મળતી માહિતી અનુસાર, તેમના ઉમેદવારી ફોર્મમાં સાક્ષીઓના હસ્તાક્ષરમાં ગડબડ કરી હતી.

સુરત લોકસભા બેઠક પરથી કોંગ્રેસના નિલેશ કુંભાણીની ઉમેદવારી જોખમમાં છે. કારણ કે, ત્રણ પ્રસ્તાવકારોએ દાવો કર્યો હતો કે, તેઓએ ઉમેદવારના ઉમેદવારી પત્રો પર સહી કરી નથી.

હિમાયતીઓએ જિલ્લા ચૂંટણી અધિકારી (DEO)ને આપેલા સોગંદનામામાં આ દાવો કર્યો છે. ડીઈઓ સૌરભ પારધીએ શનિવારે કુંભાણી પાસેથી આ મુદ્દે સ્પષ્ટતા માંગી હતી, અને તેમના ઉમેદવારી પત્રો પર કોઈ નિર્ણય લેતા પહેલા તેમને રવિવારે સવારે 11 વાગ્યા સુધીનો સમય આપ્યો હતો.

સંજોગવશાત કોંગ્રેસના ડમી ઉમેદવાર સુરેશ પડસાળાનું ફોર્મ રદ્દ થયું છે. સુરતના કોંગ્રેસના ડમી ઉમેદવારના એકમાત્ર પ્રસ્તાવક, સુરેશ પડસાલાએ પણ ઉમેદવારી પત્રો પર સહી કરવાનો ઇનકાર કર્યો હતો, જેના પગલે ગુજરાત કોંગ્રેસના વરિષ્ઠ નેતા શક્તિસિંહ ગોહિલે આક્ષેપ કર્યો હતો કે, સત્તાધારી ભારતીય જનતા પાર્ટી વિરોધ પક્ષને ચૂંટણી મેદાનમાંથી હાંકી કાઢશે. ઉલ્લેખનીય છે કે, ફોર્મ રદ્દ કરવાના નિણર્યને લઈ કોંગ્રેસ હાઈકોર્ટમાં જશે.

ઉલ્લેખનીય છે કે, શનિવારે સાંજે ડીઇઓ સમક્ષ તેમનો કેસ રજૂ કરતી વખતે, નિલેશ કુંભાણી અને પડસાલાએ અંતિમ આદેશ પસાર થાય તે પહેલાં રવિવાર સુધીનો સમય માંગ્યો હતો.

અત્રે નોંધનીય બાબત છે કે, સુરત બેઠક માટે ભારતીય જનતા પાર્ટીના ઉમેદવાર મૂકેશભાઇ ચંદ્રકાંતભાઇ દલાલ માટે જીતનો માર્ગ મોકળો થઇ ગયો છે. કારણ કે, સુરતમાં અપક્ષ ઉમેદવાર જીતે તેવી શક્યતા નહીંવત છે.

English summary

Lok Sabha Election 2024: Big blow to Congress, candidate form canceled in Surat