હવામાન અપડેટ: રાજકોટમાં ભારે વરસાદ, વહેલી સવારે 6 ઇંચથી આજીડેમ થયો ઓવર ફ્લો

Published: Tuesday, August 27, 2024, 9:37 [IST]

Rajkot Rain Update, હવામાન સમાચાર: રાજકોટના સીમાડે આવેલા લોધિકામાં બે કલાકમાં ચાર ઇંચ વરસાદ નોંધાયો છે. સવારે 6 થી 8 માં થાનગઢ અને વાંકાનેરમાં પણ અઢી -અઢી ઇંચ વરસાદ નોંધાયો છે. આ સાથે ચોટીલામાં બે કલાકમાં સવા બે ઇંચ વરસાદ નોંધાયો છે.

કેશોદ, મેંદરડા, કાલાવડમાં પણ બે ઇંચ વરસાદ નોંધાયો છે. ઉલ્લેખનીય છે કે, સમગ્ર રાજ્યમાં સવારે છ થી આઠમાં 170 તાલુકામાં વરસાદ નોંધાયો છે.

ભારે વરસાદના કારણે રાજકોટનો આજીડેમ ઓવરફ્લો થયો છે. વહેલી સવારે આજીડેમ 6 ઇંચથી ઓવર ફ્લો થયો છે. આજીડેમ ઓવરફ્લો થયો હોવા અંગેની માહિતી સ્ટેન્ડિંગ કમિટીના ચેરમેન જયમીન ઠાકરે જાહેર કરી હતી.

આ ઉપરાંત મોરબીની જીવાદોરી સમાન મચ્છુ 2 ડેમમાં 53994 ક્યુસેક પાણીની આવક થઈ છે. મચ્છુ 2 ડેમ હાલમાં 100 ટકા ભરાઈ જતા તેના 12 દરવાજા 7 ફૂટ ખોલવામાં આવ્યા છે.

206 જળાશયોમાં રવિવાર સુધીમાં 3.64 લાખ મિલિયન ક્યુબિક ફૂટ પાણી હતું, જે તેમની કુલ સંગ્રહ ક્ષમતાના 65 ટકા છે, એમ રાજ્ય સરકારના અધિકારીઓએ જણાવ્યું હતું.

આ 206 જળાશયોમાંથી, 72 જળાશયોને હાઈ એલર્ટ પર મૂકવામાં આવ્યા હતા, અને 15 તેમના જળ સ્તરમાં તીવ્ર વધારો થવાને કારણે એલર્ટ પર હતા.

ચાલુ ચોમાસાની સિઝનમાં, રાજ્યમાં આ સિઝનમાં અત્યાર સુધીમાં સરેરાશ વાર્ષિક વરસાદના 81.81 ટકા વરસાદ થયો છે, જેમાં દક્ષિણ ગુજરાતમાં 97.52 ટકા, કચ્છમાં 90.18 ટકા અને સૌરાષ્ટ્રમાં 84.92 ટકા વરસાદ નોંધાયો છે.

ઉત્તર ગુજરાતમાં અત્યાર સુધીમાં સરેરાશ વાર્ષિક વરસાદના 64.91 ટકા જ્યારે પૂર્વ-મધ્ય ગુજરાતમાં 68.84 ટકા વરસાદ નોંધાયો છે.

ભારતીય હવામાન વિભાગ (IMD) એ દક્ષિણ ગુજરાતના વડોદરા, સુરત, ભરૂચ, નવસારી, વલસાડ અને સૌરાષ્ટ્રના અમરેલી અને ભાવનગર સહિતના જિલ્લાઓમાં અલગ-અલગ અત્યંત ભારે વરસાદ સાથે કેટલાક સ્થળોએ ભારેથી અતિ ભારે વરસાદની આગાહી કરી છે.

IMD એ મંગળવારે આણંદ, રાજકોટ, જામનગર, પોરબંદર, મોરબી, દ્વારકા અને કચ્છ જિલ્લામાં અલગ અલગ અત્યંત ભારે વરસાદ સાથે ભારેથી ખૂબ ભારે વરસાદની આગાહી પણ કરી છે.

રાજકોટ નો આજીડેમ ઓવરફ્લો
વહેલી સવારે 6 ઇંચથી થયો ઓવર ફ્લો
આજીડેમ ઓવરફ્લો ની માહિતી સ્ટેન્ડિંગ કમિટીના ચેરમેન જયમીન ઠાકરે જાહેર કરી pic.twitter.com/12Zs0vYQ7Z
— Deepak rajani (@deepakrajani123) August 27, 2024