Year Ender 2023: આ વર્ષની સૌથી મોટી ઘટના, જેણે શરમથી ઝૂકાવ્યુ હતુ દેશવાસીઓનુ શિશ

Year Ender 2023: વર્ષ 2023 પૂરું થવામાં હવે થોડાક જ દિવસો બાકી છે, આ વર્ષે માર્ચથી જૂન મહિનામાં, દેશના એક રાજ્યમાં આવી ઘટના બની, જેણે દરેક દેશવાસીનું માથું શરમથી ઝુકાવી દીધું. દેશનું એક રાજ્ય હિંસાની આગમાં સળગી રહ્યું હતું અને તે રાજ્ય હતું મણિપુર.

મણિપુર હિંસા વિશે બધા જાણે છે. મૈતેઈ અને કુકી સમુદાયો વચ્ચેની અથડામણ એટલી હદે વધી ગઈ કે બે મહિલાઓના સન્માનને લઈને મામલો સામે આવ્યો. મહિલાઓને નિર્વસ્ત્ર કરીને જબરદસ્તીથી ખેંચીને સમગ્ર વિસ્તારમાં પરેડ કરવામાં આવી હતી અને તેમના સ્વજનોને પણ મારી નાખવામાં આવ્યા હતા.

આ ઘટના થોડા મહિનાઓ જૂની હતી પરંતુ જુલાઈ મહિનામાં આ મહિલાઓનો વીડિયો સોશિયલ મીડિયા પર વાયરલ થયો હતો, જેને જોઈને લોકોનું માથું શરમથી ઝૂકી ગયું હતું. આ મહિલાઓના પરિવારના સભ્યોની પણ હત્યા કરવામાં આવી હતી. આ પછી રાજ્યમાં ભારે હોબાળો થયો હતો.

બાદમાં 16 ઓક્ટોબરે સીબીઆઈએ બે મહિલાઓને નગ્ન પરેડ કરવાના કેસમાં એક સગીર સહિત 6 લોકો વિરુદ્ધ ચાર્જશીટ દાખલ કરી હતી. સીબીઆઈએ છ લોકો પર ગેંગરેપ અને હત્યાનો આરોપ પણ મૂક્યો હતો, એમ અધિકારીઓએ જણાવ્યું હતું. આરોપ છે કે 4 મેના રોજ મણિપુરના કાંગપોકલી જિલ્લામાં લગભગ 1000 લોકોની ભીડે ઘરોમાં તોડફોડ કરી અને તેમને આગ ચાંપી દીધી. આ પછી મહિલાઓનું યૌન શોષણ પણ કરવામાં આવ્યુ હતું.

આ પછી બે મહિલાઓના કપડાં કાઢીને રસ્તા પર પરેડ કરવામાં આવી હતી અને તેમાંથી એકના પરિવારના સભ્યોની પણ હત્યા કરવામાં આવી હતી. સીબીઆઈએ કહ્યું કે આરોપીની ઓળખ કર્યા બાદ અન્ય તમામ પાસાંઓ પર તપાસ ચાલી રહી છે. મણિપુરમાં બનેલી આ ઘટનાએ બધાને હચમચાવી દીધા હતા. અત્યાર સુધી, મૈતેઈ અને કુકી સમુદાયો રાજ્યમાં પોતપોતાની સર્વોપરિતા માટે લડી રહ્યા છે. જો કે, મણિપુરમાં ફરીથી આવી કોઈ હિંસક કે મોટી ઘટના ન બને તે માટે સુરક્ષા વ્યવસ્થા કરવામાં આવી છે.

English summary

Year Ender 2023: The biggest shameful event this year is of Manipur violence woman parade.