શું હરિયાણામાં ભાજપનો ખેલ બગાડશે કંગના રનૌત? કૃષિ કાયદા અંગે મચ્યો હોબાળો

Published: Wednesday, September 25, 2024, 13:58 [IST]

Haryana Assembly Election 2024: હરિયાણા વિધાનસભા ચૂંટણી માટે પ્રચાર પૂરજોશમાં ચાલી રહ્યો છે. હરિયાણામાં આમ આદમી પાર્ટી, ભારતીય જનતા પાર્ટી અને કોંગ્રેસ વચ્ચે ત્રિપાંખીયો જંગ જોવા મળી રહ્યો છે.

આમ આદમી પાર્ટી તમામ બેઠકો પર ચૂંટણી લડી રહી છે. જેનો ફાયદો ભારતીય જનતા પાર્ટીને થશે તેવી ચર્ચાઓ થઈ રહી છે. કોંગ્રેસના દિગ્ગજ નેતાઓ હરિયાણામાં ચૂંટણી પ્રચાર કરી રહ્યા છે. હરિયાણા વિધાનસભા ચૂંટણી 2024ની તૈયારીઓ પૂરજોશમાં ચાલી રહી છે.

હરિયાણાની તમામ 90 બેઠકો પર 5 ઓક્ટોબરના રોજ એક જ તબક્કામાં મતદાન થશે. જેનું પરિણામ 8 ઓક્ટોબરના રોજ મતગણતરી બાદ જાહેર થશે.

હરિયાણા વિધાનસભા ચૂંટણી વચ્ચે કંગના રનૌતનું કૃષિ કાયદાઓ વિશે વિવાદાસ્પદ નિવેદન આપ્યું છે. આ નિવેદનના કારણે હોબાળો મચ્યો છે. જોકે, તેના આ નિવેદનથી ભારતીય જનતા પાર્ટીએ કિનારો કર્યો છે.

બોલીવુડથી રાજનીતિ સુધીની સફર કરનાર અભિનેત્રી કંગના રનૌત ફરી એકવાર પોતાના નિવેદનોને લઈને ચર્ચામાં છે. તાજેતરમાં કંગનાએ કૃષિ કાયદાને પાછા લાવવાની માંગ કરી હતી, જેનાથી હરિયાણા વિધાનસભામાં ચૂંટણીના વાતાવરણમાં ખળભળાટ મચી ગયો છે.

હરિયાણામાં જ્યાં ખેડૂત મતદારો કોઈ પણ પક્ષનું ભવિષ્ય નક્કી કરવામાં મહત્વની ભૂમિકા ભજવે છે, ત્યાં કંગના રનૌતનું આ નિવેદન ભાજપ માટે મુશ્કેલીમાં વધારો કરનારું સાબિત થઈ શકે છે.

હિમાચલ પ્રદેશના મંડીથી ભારતીય જનતા પાર્ટીના સાંસદ કંગના રનૌતે તાજેતરના નિવેદનમાં જણાવ્યું હતું કે, ખેડૂતોના હિતમાં રદ્દ કરાયેલા કૃષિ કાયદાને પાછા લાવવા જોઈએ.

કંગના રનૌતે જણાવ્યું હતું કે, ખેડૂતો ભારતના આધારસ્તંભ છે, અને તેમણે તેમની સમૃદ્ધિ માટે કૃષિ કાયદાની માંગ કરવી જોઈએ. માત્ર થોડા રાજ્યોએ જ કૃષિ કાયદા સામે વાંધો ઉઠાવ્યો હતો, પરંતુ આ કાયદા ખેડૂતોના હિત માટે હતા.

કંગના રનૌતનું આ નિવેદન એવા સમયે આવ્યું છે, જ્યારે હરિયાણા વિધાનસભા ચૂંટણી 2024 નજીક છે. આ નિવેદનથી કોંગ્રેસ અને અન્ય વિરોધ પક્ષોને ભાજપ પર પ્રહાર કરવાની તક મળી હતી.

કોંગ્રેસ નેતા પ્રતાપ સિંહ બાજવાએ જણાવ્યું હતું કે, જો ભાજપ કંગનાના નિવેદનને સમર્થન ન આપે તો તેની સામે કાર્યવાહી થવી જોઈએ.

કંગનાએ રાજકારણથી દૂર રહેવું જોઈએ, અને તેના બોલીવુડ કરિયર પર ધ્યાન આપવું જોઈએ.

ભારતીય જનતા પાર્ટીએ તરત જ કંગના રનૌતના આ નિવેદનથી દૂરી બનાવી લીધી હતી. ભારતીય જનતા પાર્ટીના પ્રવક્તા ગૌરવ ભાટિયાએ જણાવ્યું હતું કે, આ કંગના રનૌતનું અંગત નિવેદન છે, અને ભારતીય જનતા પાર્ટી તેની સાથે સહમત નથી.

ગૌરવ ભાટિયાએ જણાવ્યું હતું કે, કંગના રનૌતને આ પ્રકારનું નિવેદન આપવાનો અધિકાર નથી અને ભાજપ આ નિવેદનની નિંદા કરે છે.

ગૌરવ ભાટિયાએ એ પણ સ્પષ્ટ કર્યું કે, કંગના રનૌતનું નિવેદન સોશિયલ મીડિયા પર વાયરલ થઈ રહ્યું છે, પરંતુ આ ભાજપનો સત્તાવાર કોઈ સંબંધ નથી. ભાજપ હંમેશા ખેડૂતોના હિત માટે પ્રતિબદ્ધ છે, પરંતુ આ નિવેદન તેમનું અંગત છે.

હરિયાણામાં ખેડૂતોનું ચૂંટણીલક્ષી મહત્વ કોઈનાથી છુપાયેલું નથી. રાજ્યની 90 વિધાનસભા બેઠકો માટે 5 ઓક્ટોબરે મતદાન થવાનું છે અને ખેડૂતોના મત કોઈપણ પક્ષની જીત કે હાર નક્કી કરી શકે છે.

ઉલ્લેખનીય છે કે, આ અગાઉ કૃષિ કાયદાનો વિરોધ કરી ચૂકેલા ખેડૂતો આ વખતે પણ ભાજપ માટે મોટો પડકાર બની શકે છે.

તાજેતરમાં કુરુક્ષેત્રમાં ખેડૂતોની મહાપંચાયત યોજાઈ હતી, જેમાં ખેડૂતોએ રાજ્યમાં ભાજપને પાઠ ભણાવવા અને 3 ઓક્ટોબરના રોજ સમગ્ર દેશમાં રેલ ટ્રેક જામ કરવાની ચેતવણી આપી હતી.

ખેડૂતોનું કહેવું છે કે, વર્તમાન સરકારે તેમની સાથે અન્યાય કર્યો છે અને તેઓ બેરોજગારી અને મોંઘવારીના મુદ્દે પણ સરકારને ઘેરી રહ્યા છે.

હરિયાણામાં ભાજપ સતત ત્રીજી વખત સત્તામાં આવવાનો પ્રયાસ કરી રહી છે. જોકે, છેલ્લી લોકસભા ચૂંટણી 2019માં, ભારતીય જનતા પાર્ટીએ રાજ્યમાં 10 માંથી માત્ર 5 બેઠકો જીતી હતી.

ખેડૂતોની નારાજગીના કારણે ભાજપને નુકસાન વેઠવું પડ્યું હોવાનું જાણકારોનું માનવું છે. ભારતીય જનતા પાર્ટી હવે આ ભૂલનું પુનરાવર્તન કરવા માંગતી નથી.

ભાજપે ખેડૂતોને પોતાની તરફ લાવવા માટે વ્યાપક યોજના બનાવી છે. ભારતીય જનતા પાર્ટીના મોટા નેતાઓ મોટી રેલીઓ દ્વારા ખેડૂતોને આકર્ષવાનો પ્રયાસ કરી રહ્યા છે.

આ સાથે ભાજપના કાર્યકરો ગામડે ગામડે જઈને ખેડૂતોને કેન્દ્ર અને રાજ્ય સરકાર દ્વારા કરવામાં આવેલા વિકાસના કામોની માહિતી આપી રહ્યા છે.

#WATCH | BJP MP Kangana Ranaut says, "In the last few days the media asked me some questions on farmers' law and I suggested that the farmers should request PM Modi to bring back the farmers' law. Many people are disappointed and disheartened by my statement. When the farmers'… pic.twitter.com/i3O5n05718
— ANI (@ANI) September 25, 2024