Weather Update: હવામાનમાં પલટો, અમુક રાજ્યોમાં ભારે વરસાદ માટે એલર્ટ, જાણો દેશભરમાં હવામાનની સ્થિતિ

Weather Update: દેશના ઘણા રાજ્યોમાં હવામાનમાં પલટો આવ્યો છે, જ્યારે અમુક જગ્યાએ સપ્ટેમ્બર મહિનામાં ગરમી અને ભેજમાં ઘટાડો થયો નથી. ભારતીય હવામાન વિભાગના જણાવ્યા મુજબ ચોમાસું હાલમાં તેના અંતિમ તબક્કામાં છે.

હવામાન વિભાગની આગાહી મુજબ ચોમાચાની એક-બે દિવસમાં વાપસી શરૂ થશે, જેના કારણે કેટલાક રાજ્યોમાં ભારે વરસાદ અને કેટલાક સ્થળોએ હળવો વરસાદ જોવા મળશે.

આએમડીએ રાજસ્થાન, બિહાર, ઝારખંડ, પશ્ચિમ બંગાળ અને સિક્કિમમાં 26 સપ્ટેમ્બર સુધી ભારે વરસાદની ચેતવણી જાહેર કરી છે અને લોકોને સ્વાસ્થ્ય અને હવામાન બંને વિશે જાગૃત રહેવા જણાવ્યું છે.

ઉત્તરાખંડ-હિમાચલ અને કાશ્મીરમાં આજે અને આવતીકાલે હળવાથી મધ્યમ વરસાદની સંભાવના છે અને આ સમયગાળા દરમિયાન કેટલાક સ્થળોએ ભારે પવન ફૂંકાઈ શકે છે, જેની ઝડપ 30-40 કિમી પ્રતિ કલાક હોઈ શકે છે. ગુજરાત, મધ્યપ્રદેશ અને છત્તીસગઢમાં ભારે વરસાદની ચેતવણી છે.

તેલંગાણા, આંધ્રપ્રદેશ અને કર્ણાટક અને કેરળમાં હળવા વરસાદની સંભાવના છે. ઓરિસ્સા, કોંકણ-ગોવા અને ઉત્તર-ઉત્તર રાજ્યોમાં ભારે વરસાદ પડી શકે છે માટે અહીં એલર્ટ જાહેર કરવામાં આવ્યું છે. જ્યારે દિલ્હીમાં આજે હળવાથી ભારે વરસાદની સંભાવના છે, જેના માટે એલર્ટ જાહેર કરવામાં આવ્યું છે. પંજાબ અને હરિયાણા તેમજ યુપીમાં હળવો વરસાદ પડી શકે છે.

હવામાન વિભાગના જણાવ્યા અનુસાર 26 સપ્ટેમ્બર બાદ ચોમાસાની ગતિ ધીમી પડી જશે અને લોકોને રાહત મળશે અને ત્યારબાદ ધીમે ધીમે હવામાન શુષ્ક બનશે. આ વખતે ચોમાસાના ચક્રની સામાન્ય અસર જોવા મળી છે, તેથી અપેક્ષા છે કે સપ્ટેમ્બરના અંત સુધીમાં આ ચક્ર સમાપ્ત થઈ જશે.

English summary

Weather Update: Heavy rain alert in some states, know the weather conditions across the country