Weather News: ઉત્તરાખંડ સહિત દેશના આ રાજ્યોમાં ભારે વરસાદની આગાહી, જાણો લેટેસ્ટ અપડેટ
Weather News: હવામાન વિભાગના જણાવ્યા અનુસાર, 9 ઓગસ્ટના રોજ ઘણા રાજ્યોમાં ભારે વરસાદ પડી શકે છે. ઉત્તરાખંડ, જમ્મુ-કાશ્મીર, હિમાચલ પ્રદેશ, UPમાં શનિવારે ભારે વરસાદ પડી શકે છે. મધ્ય ભારતમાં પણ આવું જ હવામાન જોવા મળી શકે છે. મધ્યપ્રદેશમાં પણ ભારે વરસાદની આગાહી કરવામાં આવી છે. પૂર્વી ભારતના હવામાનની વાત કરીએ તો, બિહાર અને ઓડિશામાં ભારે વરસાદની શક્યતા છે.
Weather Forecast: હવામાન વિભાગે પૂર્વોત્તર ભારતમાં પણ ભારે વરસાદની આગાહી કરી છે. અરુણાચલ પ્રદેશ ઉપરાંત, મેઘાલય, મણિપુર અને નાગાલેન્ડમાં ભારે વરસાદની આગાહી છે. દક્ષિણ ભારતમાં તેલંગાણા, આંધ્રપ્રદેશ અને તમિલનાડુમાં ભારે વરસાદની આગાહી છે. મહારાષ્ટ્ર અને કર્ણાટકમાં હળવાથી મધ્યમ વરસાદની આગાહી છે.
આજે કયા રાજ્યોમાં પડશે વરસાદ
Weather News: હવામાન વિભાગના જણાવ્યા અનુસાર, 9 ઓગસ્ટે ઉત્તર પ્રદેશ, ઉત્તરાખંડ, બિહાર, પશ્ચિમ બંગાળ, પૂર્વ આસામ, અરુણાચલ પ્રદેશ, આંદામાન-નિકોબાર, કર્ણાટક, લક્ષદ્વીપ, તેલંગાણા અને મરાઠવાડાના કેટલાક ભાગોમાં હળવોથી મધ્યમ વરસાદ પડશે. કેટલાક સ્થળોએ ભારે વરસાદ પણ પડી શકે છે. ઉત્તરપૂર્વ ભારત, ઝારખંડ, ઓડિશા, છત્તીસગઢ, મધ્ય પ્રદેશ, મધ્ય મહારાષ્ટ્ર, ગોવા, તમિલનાડુ, આંધ્રપ્રદેશ, દિલ્હીના કેટલાક ભાગો, પંજાબ, હરિયાણા, હિમાચલ પ્રદેશ અને જમ્મુ-કાશ્મીરમાં હળવોથી મધ્યમ વરસાદ પડી શકે છે. દક્ષિણ ગુજરાત, પૂર્વ રાજસ્થાન અને લદ્દાખમાં હળવો વરસાદ પડવાની શક્યતા છે.
10 ઓગસ્ટે અહીં પડશે ભારે વરસાદ
હવામાન વિભાગના જણાવ્યા અનુસાર, 10 ઓગસ્ટે ઉત્તરાખંડમાં ભારે વરસાદ પડશે. હિમાચલ પ્રદેશ અને જમ્મુ-કાશ્મીરમાં પણ ભારે વરસાદની શક્યતા છે. પંજાબમાં પણ ભારે વરસાદ પડી શકે છે. આ ઉપરાંત બિહારમાં ભારે વરસાદની શક્યતા છે. પશ્ચિમ બંગાળ અને સિક્કિમમાં પણ ભારે વરસાદ પડી શકે છે. વિભાગના જણાવ્યા અનુસાર, 10 ઓગસ્ટે તેલંગાણામાં ભારે વરસાદ જોવા મળી શકે છે. બિહાર, ઝારખંડ, UP, મધ્યપ્રદેશ, છત્તીસગઢમાં હળવો થી મધ્યમ વરસાદ પડી શકે છે.
11 ઓગસ્ટે હિમાચલ પ્રદેશ અને ઉત્તરાખંડમાં ઓરેન્જ એલર્ટ રહેશે. અહીં ભારે વરસાદની આગાહી છે. જમ્મુ અને કાશ્મીરમાં ભારે વરસાદની ચેતવણી રહેશે.
આગામી સાત દિવસ પડશે ભારે વરસાદ
હવામાન વિભાગના જણાવ્યા અનુસાર, પશ્ચિમ હિમાલય ક્ષેત્રમાં આગામી સાત દિવસ ભારે વરસાદ ચાલુ રહેશે. ઉત્તર પ્રદેશના ઘણા જિલ્લાઓમાં પણ ભારે વરસાદ જોવા મળી શકે છે., ઉપ-હિમાલયી પશ્ચિમ બંગાળ, સિક્કિમ અને બિહારમાં ભારેથી અતિભારે વરસાદ પડી શકે છે. આગામી ત્રણ દિવસ દરમિયાન ઉત્તરપૂર્વ ભારતમાં ભારે વરસાદની આગાહી છે. આગામી 4થી 5 દિવસમાં રાજસ્થાનમાં હળવો વરસાદ પડશે.
Click it and Unblock the Notifications
Sign in with Google
