UP News: દિવાળી પહેલા જ સરકારી કર્મચારીઓને ભેટ આપશે યોગી સરકાર
UP Government: ઉત્તર પ્રદેશ સરકાર દિવાળી પહેલા તેના તમામ કર્મચારીઓ માટે બોનસ (નૉન-ગેઝેટેડ) અને મોંઘવારી ભથ્થા (DA)માં ચાર ટકા વધારાની જાહેરાત કરશે. ડીએમાં વધારો પેન્શનરો માટે પણ અસરકારક રહેશે.
સરકાર સાથે સંકળાયેલા સૂત્રોનું માનીએ તો રાજ્યના નાણા વિભાગે આ સંદર્ભે એક પ્રસ્તાવ રજૂ કર્યો છે. કેન્દ્રએ ડીએમાં 4 ટકા વધારાની જાહેરાત કરી છે અને રાજ્ય સરકાર પણ આ વધારો લાગુ કરવાની તૈયારી કરી રહી છે. એક વરિષ્ઠ અધિકારીએ પુષ્ટિ કરી કે નાણાં વિભાગ દ્વારા આ પ્રસ્તાવને મુખ્યમંત્રી યોગી આદિત્યનાથની મંજૂરી માટે મુખ્યમંત્રી કાર્યાલયને મોકલવામાં આવ્યો છે.
ઉત્તર પ્રદેશ રાજ્ય કર્મચારી સંયુક્ત પરિષદના પ્રમુખ જેએન તિવારીએ કહ્યું કે, હા, મુખ્યમંત્રી યોગી આદિત્યનાથે ખાતરી આપી છે કે દિવાળી પહેલા કર્મચારીઓને બોનસ અને ડીએમાં વધારો ચૂકવવામાં આવશે. અમે રાજ્ય સરકારને વિનંતી કરીએ છીએ કે દર મહિને લઘુત્તમ પગાર રૂ. 18000 લેતા બોનસની ગણતરી કરો. રાજ્ય સરકાર મહત્તમ રૂ. 7000 સુધીના બોનસની ગણતરી કરે છે અને 75 ટકા રકમ કર્મચારીઓના ભવિષ્ય નિધિ ખાતામાં જમા થાય છે.
Click it and Unblock the Notifications
Sign in with Google
