Video: 'કોઈ માઈનો લાલ પેદા નથી થયો જે મને..', અકબરુદ્દીન ઓવૈસીએ ઈન્સ્પેક્ટરને આપી ખુલ્લી ધમકી

Akbaruddin Owaisi Speech: AIMIMના ધારાસભ્ય અકબરુદ્દીન ઓવૈસી, જેઓ પોતાના ભડકાઉ નિવેદનો માટે અવારનવાર વિવાદોમાં રહે છે અને છોટે ઓવૈસી તરીકે પ્રખ્યાત છે, તેઓ ફરી એકવાર તેમના ભાષણને કારણે ચર્ચામાં આવ્યા છે.

વાસ્તવમાં, મંગળવારે હૈદરાબાદના લલિતાબાગ વિસ્તારમાં એક ચૂંટણી જાહેર સભા દરમિયાન અકબરુદ્દીન ઓવૈસીએ ત્યાં હાજર એક પોલીસ ઈન્સ્પેક્ટરને ખુલ્લેઆમ ધમકી આપી અને જાહેર સભામાંથી બહાર જવા માટે કહ્યું. પોલીસ ઈન્સ્પેક્ટરે ઓવૈસીને આચારસંહિતાને કારણે જાહેર સભા સમયસર સમાપ્ત કરવા કહ્યું હતું.

જાહેર સભામાં પોતાના ભાષણ દરમિયાન અકબરુદ્દીને પોલીસ ઈન્સ્પેક્ટરને ધમકી આપતા કહ્યું, 'ઈન્સ્પેક્ટર સાહેબ, ઘડિયાળ છે મારી પાસે, આ મારી ઘડિયાળ તમને આપી. ચાલો, ચાલો, નીકળો અહીંથી... તમને શું લાગે છે કે ગોળીઓ અને છરીઓ વિશે સાંભળીને અમે નબળા પડી ગયા? અમારી અંદર હજુ પણ ઘણી હિંમત છે. આવ્યો મોટા અમને રોકવાવાળા, હું હજુ વધુ 5 મિનિટ બોલીશ, હા હું બોલીશ 5 મિનિટ. કોઈ માઈનો લાલ પેદા નથી થયો મને રોકવા માટે.'

અકબરુદ્દીન ઓવૈસીએ વધુમાં કહ્યું કે, 'જો હું ઈશારો કરી દઈશ તો તમારે દોડવું પડશે. શું દોડાવુ? હું તમને લોકોને (મારા સમર્થકો) કહું છું કે તેઓ આ રીતે જ આપણને નબળા પાડવા માટે આવે છે, તેથી સાવચેત રહો. તેઓ જાણે છે કે અકબરુદ્દીન ઓવૈસી સાથે મુકાબલો કરવાવાળું કોઈ નથી તેથી આ લોકો ઉમેદવાર તરીકે આવી રહ્યા છે. અરે આવો... ચાલો જોઈએ કે તમે જીતો છો કે અમે.

તમને જણાવી દઈએ કે 119 વિધાનસભા સીટો ધરાવતા તેલંગાણા માટે 30 નવેમ્બરે મતદાન થશે. અન્ય ચાર રાજ્યો - મિઝોરમ, મધ્યપ્રદેશ, રાજસ્થાન અને છત્તીસગઢની સાથે 3 ડિસેમ્બરે મતગણતરી થશે. હાલમાં, તેલંગાણામાં KCRના નેતૃત્વમાં BRS (ભારત રાષ્ટ્ર સમિતિ) સરકાર છે. જો આપણે તાજેતરના સમીકરણો પર નજર કરીએ તો તેલંગાણા વિધાનસભા ચૂંટણીમાં BRS, કોંગ્રેસ અને ભાજપ ત્રિકોણીય મુકાબલામાં મેદાનમાં છે.

#WATCH | Telangana: AIMIM leader Akbaruddin Owaisi threatened a police inspector who was on duty and asked him to leave the spot while he was addressing a campaign in Lalitabagh, Hyderabad yesterday. The police inspector asked him to conclude the meeting on time as per the Model… pic.twitter.com/rf2tJAOk3b

— ANI (@ANI) November 22, 2023

English summary

Telangana Election: AIMIM Leader Akbaruddin Owaisi threatened police inspector in Hyderabad, See Video.