પટનામાં સરકાર સામે અવાજ ઉઠાવનારા શિક્ષક ઉમેદવારો પર લાઠી ચાર્જ, જુઓ વીડિયો

બિહારમાં સરકાર સામે અવાજ ઉઠાવનારા શિક્ષક ઉમેદવારો સાથે અમાનવીય વર્તન કરવામાં આવ્યું હતું. BTET પાસ શિક્ષક ઉમેદવારોએ TET પરીક્ષાની માગને લઈને સોમવારના રોજ પટનામાં હોબાળો મચાવ્યો હતો. આ વિદ્યાર્થીઓને વિખેરવા માટે એડીએમ કે. કે. સિંહે હિંસક માર્ગ અપનાવ્યો હતો.

તેમણે વિદ્યાર્થીઓ પર લાઠીચાર્જ કરવાનું જણાવ્યું હતું. આ સાથે જ તેમણે પોતે પણ વિદ્યાર્થીઓને લાકડીઓ વડે મારવાનું શરૂ કરી દીધું હતું. આ સમગ્ર ઘટનાના વીડિયો અને ચોંકાવનારા ફોટોસ સોશિયલ મીડિયામાં વયરલ થઇ રહ્યા છે.

લાઠીચાર્જમાં અનેક ઉમેદવારો ઘાયલ

પોલીસે દોડી દોડીને ઉમેદવારો પર લાઠી ચાર્જ કર્યો હતો. આ લાઠીચાર્જમાં ઘણા ઉમેદવારો ઘાયલ થયા હતા. પોલીસકર્મીઓએ હાથમાં ત્રિરંગો લઈને વિરોધકરી રહેલા વિદ્યાર્થીને ખેંચીને લાકડીઓ વડે ઢોર માર માર્યો હતો.

ADMએ ઉમેદવારોને દોડાવી દોડાનીને માર્યા

વિદ્યાર્થીઓને હટાવવા માટે ખુદ એડીએમ કે. કે. સિંહે આગેવાની લીધી હતી અને રસ્તા પર ઉતરેલા વિદ્યાર્થી પર અનેક વખત લાઠીઓફટકારી હતી. આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે.

વીડિયો સોશિયલ મીડિયા પર વાયરલ થયો

વીડિયો જોયા બાદ લોકો બિહારના આ વહીવટી અધિકારીના હિંસક વર્તનની ટીકા કરી રહ્યા છે. એડીએમની સાથે સૈનિકોએ રસ્તા પર પડીગયેલા ઉમેદવારને પણ લાકડીઓ વડે માર માર્યો હતો.

बिहार के पटना में अपनी मांगों को लेकर प्रदर्शन कर रहे CTET और BTET के अभ्यर्थियों पर पुलिस ने चलाई लाठियां।
हाथों में तिरंगा था फिर भी पीटते रहे पुलिसकर्मी । pic.twitter.com/Epge8dyGbG

— Shubhankar Mishra (@shubhankrmishra) August 22, 2022

પોલીસે ઉમેદવારો પર બળપ્રયોગ કર્યો

બિહાર શિક્ષક પાત્રતા પરીક્ષા આયોજિત કરવાની માગ સાથે ડાક બંગલા ચોક પર આ પ્રદર્શન કરવામાં આવી રહ્યું હતું. સમગ્ર બિહારમાંથીઉમેદવારો પટના પહોંચી ગયા છે અને તેઓની માગ છે કે, BTET પરીક્ષા વહેલી તકે લેવામાં આવે. પ્રાથમિક શિક્ષણ વિભાગ હજૂ પણપરીક્ષા લેવાનો ઈન્કાર કરી રહ્યું છે, પોલીસે ઉમેદવારો પર બળપ્રયોગ કર્યો છે.

English summary

Teacher Candidates Lathi Charged in Patna for Raising Voice Against Government Watch Video