પુખ્ત વયની યુવતી પોતાના નિર્ણય પોતાની રીતે લઇ શકે છે
માંએ 19 વર્ષની યુવતીની કસ્ટડી માંગતા કોર્ટે આપ્યો આ જવાબ. જાણો શું છે મામલો અહીં.
સુપ્રિમ કોર્ટે એક અરજી પર સુનવણી કરતા યુવતીઓને પોતાનો નિર્ણય પોતે લેવાની છૂટ પર મોહર લગાવી છે. ઉચ્ચતમ ન્યાયલયે સાફ કહ્યું છે કે પુખ્ત વયની ઉંમરે યુવતી પોતાના જીવનના નિર્ણય પોતાની રીતે લઇ શકે છે. અને આ તેમનો હક છે તે માટે કોઇને પણ સુપર ગાર્ડિયન બનવાની જરૂર નથી. ઉલ્લેખનીય છે કે એક માંએ તેની અરજીમાં પોતાની છોકરીની કસ્ટડી માંગી હતી. જેને ફગાવતા સુપ્રીમ કોર્ટે કહ્યું કે તે તેની મરજીની માલિક છે.
મુખ્ય ન્યાયધીશ દિપક મિશ્રાની આગેવાનીમાં બોલવવામાં આવેલી બેંચમાં આ નિર્ણય થયો છે. કોર્ટે તિરુવનંતપુરમમાં રહેતી એક માંની અરજી પર આ નિર્ણય કહ્યો છે. ઉલ્લેખનીય છે કે માંએ તેની અરજીમાં કહ્યું છે કે તેની 19 વર્ષીય પુત્રી કુવૈતમાં પિતા સાથે રહે છે. તે મામલે માંએ દિકરીની કસ્ટડી માંગી હતી. જેને કોર્ટે ફગાવી છે. છોકરીએ કોર્ટમાં કહ્યું છે કે તે પિતા સાથે કુવૈતમાં જ રહીને કેરિયર બનાવવા માંગે છે. કોર્ટેમાં સ્પષ્ટ પણે યુવતીઓ પોતાનો વિચાર વ્યક્ત કરતા કોર્ટે પણ યુવતીની વાત માની અરજી ફગાવી હતી. જો કે કોર્ટે 13 વર્ષના પુત્રને ઉનાળાના વેકેશનમાં માં પાસે મોકલવાનો આદેશ કર્યો છે.
Click it and Unblock the Notifications
Sign in with Google
