રાહુલ ગાંધી એન્ગ્રી યંગ મેન અવતારમાં દેખાયા, કહ્યુ - પત્રકાર હોવાનો દેખાડો ના કરો, હવા નીકળી ગઈ, જુઓ વીડિયો
Rahul Gandhi Angry: ફોજદારી માનહાનિના કેસમાં બે વર્ષની જેલની સજા બાદ લોકસભાનુ સભ્યપદ ગુમાવનારા રાહુલ ગાંધીને પ્રેસ બ્રીફિંગ દરમિયાન ગુસ્સો આવી ગયો હતો. મીડિયા કર્મીઓમાંથી એક વ્યક્તિની પૂછપરછથી ગુસ્સે થઈને રાહુલે તેને પત્રકાર હોવાનો ઢોંગ ન કરવા કહ્યુ. રાહુલે પૂછ્યુ કે હવા નીકળી ગઈ? રાહુલના આ વલણનો વીડિયો સોશિયલ મીડિયા પર વાયરલ થઈ રહ્યો છે.
ન્યૂઝ એજન્સી એએનઆઈ દ્વારા કરવામાં આવેલા એક વીડિયો ટ્વીટ અનુસાર, રાહુલે એક પત્રકારને કહ્યુ જે તેમને 'મોદી સરનેમ' કેસમાં દોષિત ઠેરવવા અંગે સવાલ કરી રહ્યા હતા, "પ્રેસમેન હોવાનો ઢોંગ ન કરો... કેમ હવા નીકળી ગઈ?"
#WATCH | "Don’t pretend to be a pressman...Kyun hawa nikal gayi?", says Congress leader Rahul Gandhi to a journalist questioning him on his conviction in 'Modi surname' case pic.twitter.com/SdaaUeraoy
— ANI (@ANI) March 25, 2023
તમને જણાવી દઈએ કે ગુજરાત ભાજપના ધારાસભ્ય પૂર્ણેશ મોદીની ફરિયાદ અને અરજી પર રાહુલ ગાંધીને અપરાધિક અવમાનના માટે દોષી ઠેરવવામાં આવ્યા છે. રાહુલે એપ્રિલ 2019માં કર્ણાટકમાં નિવેદન આપ્યું હતું. જેના આધારે રાહુલને ગુજરાતના સુરતની સીજેએમ કોર્ટે બે વર્ષની જેલની સજા ફટકારી હતી. રાહુલ પાસે અપીલની તકો છે પરંતુ તે પહેલા લોકસભાના મહાસચિવ દ્વારા બહાર પાડવામાં આવેલા નોટિફિકેશનમાં રાહુલને ગેરલાયક ઠેરવવામાં આવ્યા હતા. આ પછી તેમનુ લોકસભા સાંસદ પદ છીનવાઈ ગયુ છે.
ઉલ્લેખનીય છે કે સામાન્ય ચૂંટણીને એક વર્ષ કરતાં વધુ સમય બાકી છે, એવી અટકળો ચાલી રહી છે કે જો ચૂંટણી પંચ કેરળની વાયનાડ લોકસભા બેઠકની પેટાચૂંટણીની જાહેરાત કરશે તો રાહુલની રાજકીય કારકિર્દી જોખમમાં આવી જશે. કાયદા અનુસાર રાહુલ 2031 સુધી ચૂંટણી લડી શકશે નહીં.
Click it and Unblock the Notifications
Sign in with Google
