પંજાબ: અજનાલા પોલીસ સ્ટેશન સામે અમૃતપાલના સમર્થકોનો હુમલો, તલવારો અને બંદુકોથી તોડ્યા બેરીકેટ્સ
પંજાબના અજનાલામાં વાતાવરણ ખૂબ જ તંગ બની ગયું છે. અમૃતપાલના સમર્થકોએ અહીં પોલીસ સ્ટેશન પર હુમલો કર્યો. ભીડના હાથમાં તલવારો અને બંદૂકો છે. જેમણે પોલીસ બેરીકેટ્સ પણ તોડી નાખ્યા હતા.
પંજાબમાં અમૃતસરના અજનલામાં સ્થિતિ અત્યંત તંગ છે. ખાલિસ્તાન તરફી સંગઠન 'વારિસ પંજાબ દે'ના ચીફ અમૃતપાલ સિંહના નજીકના સહયોગી તુફાન સિંહની ધરપકડના વિરોધમાં મોટી સંખ્યામાં સમર્થકો હથિયારો સાથે રસ્તા પર ઉતરી આવ્યા હતા. દેખાવકારોએ તલવારો અને બંદૂકો વડે પોલીસ બેરિકેડ તોડી નાખ્યા હતા. આવી સ્થિતિમાં હવે સ્થિતિ બેકાબૂ હોય તેવું લાગી રહ્યું છે.
અજનાલા પોલીસ સ્ટેશન પર હુમલો
વાસ્તવમાં ખાલિસ્તાની નેતા અમૃતપાલ સિંહે ગુરુવારે સવારે 11 વાગે પોતાના સમર્થકોને અજનલા પહોંચવાનું કહ્યું હતું, ત્યારબાદ અજનલા પોલીસ સ્ટેશનની બહાર લોકોની ભીડ એકઠી થવા લાગી હતી અને હવે સ્થિતિ તંગ છે. ટોળાએ અજનાળા પોલીસ સ્ટેશન પર હુમલો કર્યો હતો.
|
સમર્થકોના હાથમાં હથિયાર
સમર્થકોએ તલવારો અને બંદૂકો વડે પોલીસ બેરીકેટ તોડી નાખ્યા હતા. અમૃતપાલ સિંહના નજીકના સાથી લવપ્રીત તુફાનની ધરપકડના વિરોધમાં સમર્થકો પોલીસ સ્ટેશનની બહાર એકઠા થયા હતા. લોકોની ભીડ અને વાતાવરણની ગંભીરતાને જોઈને પંજાબ પોલીસ પણ વધુ સતર્ક થઈ ગઈ છે. પોલીસે સુરક્ષા વ્યવસ્થા વધુ સઘન બનાવી છે. લગભગ છ જિલ્લાઓમાંથી ભારે પોલીસ ફોર્સ સ્થળ પર બોલાવવામાં આવી છે.
શું છે પુરો મામલો?
તમને જણાવી દઈએ કે અમૃતપાલ, તેના પાર્ટનર તુફાન સિંહ સહિત કુલ 30 લોકો વિરુદ્ધ અજનાલા પોલીસ સ્ટેશનમાં કેસ નોંધવામાં આવ્યો છે. આ લોકોએ સોશિયલ મીડિયા પર અમૃતપાલ વિરુદ્ધ ટિપ્પણી કરનાર યુવકનું અપહરણ કરીને માર માર્યો હતો. જે બાદ પોલીસે તુફાન સિંહની ધરપકડ કરી હતી. જે બાદ ગુસ્સે ભરાયેલા અમૃતપાલ સિંહે ગુરુવારે અજનાલા પોલીસ સ્ટેશનની બહાર વિરોધ પ્રદર્શન કરતા ધરપકડ કરવાની જાહેરાત કરી હતી.
Click it and Unblock the Notifications
Sign in with Google
