રેલવે ઇન્સ્પેક્ટરના ઘરમાં જ ચાલતું હતું કૂટણખાનું!

Published: Monday, July 8, 2013, 14:41 [IST]

જયપૂર, 8 જુલાઇ : શહેરના હસનપુરાની સૈન કોલોનીના પ્લોટ નંબર એ-31માં ગેરકાનૂની ધંધા થવાનો મામલો સામે આવ્યો છે. પોલીસે આ મામલામાં ચાર મહિલાઓની ધરપકડ કરી છે. આ જ પ્લોટથી હરિયાણા બ્રાંડની અંગ્રેજી દારુની 142 બોટલો પણ જપ્ત કરી લીધી છે. આ ઘર રેલવેના ચીફ ટિકીટ ચેકિંગ ઇન્સ્પેક્ટર દિનેશ ભટનાગરનું છે.

જાણકારી અનુસાર આ ઘરમાં છેલ્લા ઘણા વર્ષોથી આરોપી મહિલા ગેરકાનૂની રીતે દારૂ વેચવાનો ધંધો પણ કરતી હતી. જેને આરોપી દિનેશ ભટનાગર ચંદીગઢથી ગેરકાયદેસરીતે લઇ આવતો હતો. ભટનાગરના ઘરમાં છેલ્લા લગભગ છ માસથી આ ધંધો ચાલી રહ્યો હતો.

એસીપી બજરંગ સિંહે જણાવ્યું કે પોલીસને દિનેશ ભટનાગર ઘરમાં એકલો જ રહે છે. તેમના ત્યાં છેલ્લા કેટલાંક વર્ષોથી આરોપી મહિલા પોતાના પતિ રોશનલાલ અને પુત્રની સાથે ગ્રાઉન્ડ ફ્લોર પર રહે છે. એ બંને ભટનાગરની સાર-સંભાળ લે છે. જ્યારે પોલીસને સૂચના મળી કે ઘરમાં અનૈતિક કામ થઇ રહ્યા છે તો પોલીસ દ્વારા મોકલવામાં આવેલ બોગસ ગ્રાહકે મહિલા સાથે સોદો પાક્કો કર્યો.

ત્યારબાદ ઇશારો મળતા જ એસીપી બજરંગ સિંહ તથા પોલીસ સ્ટેશન અધિકારી રાજેન્દ્ર સિંહના નેતૃત્વ હેઠળ એક ટીમે રેડ પાડીને ઘરમાં હાજર મુખ્ય આરોપી મહિલા તથા ત્રણ અન્ય મહિલાઓની ધરપકડ કરી લીધી.

Published On July 8, 2013