20 કરોડની કરચોરીના આરોપ પર સોનુ સૂદે કહ્યું, કર ભલા તો હો ભલા!

છેલ્લા ઘણા દિવસોથી સોનુ સૂદ આવકવેરા વિભાગના સર્વેને લઈને ચર્ચામાં છે. આઈટી અધિકારીઓ દ્વારા તેમના પર 20 કરોડ રૂપિયાની કરચોરીનો આરોપ લગાવવામાં આવ્યો છે. એક નિવેદનમાં CBDT એ કહ્યું કે અભિનેતા અને તેના સહયોગીઓના પરિસરમાં તપાસ દરમિયાન 20 કરોડ રૂપિયાની કરચોરી સંબંધિત પુરાવા મળ્યા છે.

સોનુ સૂદે 20 કરોડની કરચોરી પર પોતાનો પક્ષ રજૂ કર્યો છે. તેને ટ્વિટ કરીને લખ્યું કે, મેં મારી ક્ષમતા મુજબ ભારતના લોકોની સેવા માટે કામ કરવાનો સંકલ્પ કર્યો છે. હું રાહ જોઈ રહ્યો છુ કે મારા ફાઉન્ડેશનમાં જમા નાણાંના છેલ્લા હપ્તા સુધી કોઈક રીતે જરૂરિયાતમંદ લોકોનો જીવ બચાવી શકું.

સોનુ આગળ લખે છે કે, ઘણા પ્રસંગોએ મેં મોટી બ્રાન્ડ્સને મારી ફીના બદલામાં લોકો માટે સારું કામ કરવા કહ્યું છે. મારી યાત્રા ચાલુ રહેશે. તેમણે અંતમાં લખ્યું છે કે કર ભલા તો હો ભલા.તેમણે ટ્વિટ કર્યું કે દર વખતે વાર્તા કહેવાની જરૂર નથી. સમય પોતે જ કહેશે.

સોનુ સૂદે લખ્યું કે, મારા ઘરે આવેલા કેટલાક મહેમાનો (આવકવેરા અધિકારીઓ) ને કારણે હું છેલ્લા ચાર દિવસથી લોકોની સેવા કરી શક્યો ન હતો, પરંતુ હવે હું પાછો ફર્યો છું. કામ ભલા હોય તો અંત સારો હોય છે.
આવકવેરા વિભાગનું કહેવું છે કે તેમની પાસે અભિનેતા વિરુદ્ધ પૂરતા પુરાવા છે.

“सख्त राहों में भी आसान सफर लगता है,
हर हिंदुस्तानी की दुआओं का असर लगता है” 💕 pic.twitter.com/0HRhnpf0sY

— sonu sood (@SonuSood) September 20, 2021

આવકવેરા વિભાગના અધિકારીઓએ નિવેદનમાં જણાવ્યું છે કે, અભિનેતાએ બનાવટી સંસ્થાઓ પાસેથી બોગસ અને અસુરક્ષિત લોનના રૂપમાં બિનહિસાબી નાણાં જમા કરાવ્યા હતા. CBDT અનુસાર, મુંબઈ, લખનૌ, કાનપુર, જયપુર, દિલ્હી, ગુરુગ્રામ સહિત અભિનેતાના કુલ 28 પરિસર પર દરોડા પાડવામાં આવ્યા હતા.

વર્ષ 2020 માં શરૂ થયેલી કોરોના મહામારીને કારણે લોકડાઉન વચ્ચે સોનુ સૂદે ઘણા સ્થળાંતરિત મજૂરોને તેમના ઘરે પહોંચાડીને ઉમદા કાર્યની શરૂઆત કરી હતી. તે સમયથી આજ સુધી મદદની પ્રક્રિયા સતત ચાલુ રછે. લોકો સોનુ સૂદ પાસે સોશિયલ મીડિયા પર મદદ માંગે છે અને અભિનેતા તેમને તરત મદદ કરે છે. પછી ભલે તે કોવિડ સાથે સંબંધિત હોય કે અન્ય કોઇ સમસ્યા. એકવાર સોનુ સૂદ હા પાડી દે છે, પછી મદદ લોકો સુધી પહોંચે છે.

English summary

On the charge of tax evasion of Rs 20 crore, Sonu Sood said, "kar bhala to sab bhala!"