Manipur News: મહિલાઓની નગ્ન પરેડનો વીડિયો શેર કરવા પર રોક, સરકારે ટ્વિટરને જાહેર કર્યો આદેશ

મણિપુરમાં એક મહિલાની નગ્ન પરેડનો વીડિયો સોશિયલ મીડિયા પર ઝડપથી વાયરલ થઈ રહ્યો છે. મામલાની ગંભીરતાને જોતા સરકારે ટ્વિટરને સૂચના કડક આપી છે. સૂત્રો મુજબ ટ્વિટર અને અન્ય સોશિયલ મીડિયા પ્લેટફોર્મને સરકાર દ્વારા આ વીડિયો શેર ન કરવાની સૂચના આપવામાં આવી છે.

સૂત્રોના જણાવ્યા અનુસાર, ટ્વિટર અને અન્ય સોશિયલ મીડિયા પ્લેટફોર્મને સરકાર દ્વારા કડક સૂચના આપવામાં આવી છે કે મણિપુરમાં મહિલાઓની નગ્ન પરેડનો વીડિયો શેર ન કરે. ભારતીય કાયદાનું પાલન કરવાની જવાબદારી સોશિયલ મીડિયા પ્લેટફોર્મની છે કારણ કે મામલો હજુ તપાસ હેઠળ છે.

તમને જણાવી દઈએ કે મણિપુરમાં બે મહિલાઓની નગ્ન પરેડનો મામલો સામે આવ્યો છે. આ ઘટના 4 મેની હોવાનુ કહેવાય છે. અહેવાલો અનુસાર, આ ઘટના ઇમ્ફાલથી લગભગ 35 કિલોમીટર દૂર કંગપોકપી જિલ્લામાં બની હતી. આ ઘટનાનો વીડિયો બુધવારે સોશિયલ મીડિયા પર સામે આવ્યો હતો, જે વાયરલ થયો હતો. મણિપુરમાં ઈન્ટરનેટ પ્રતિબંધને કારણે આ વીડિયો સામે આવી શક્યો નહોતો.

ઈન્ડીજીનિયસ ટ્રાઈબલ લીડર્સ ફોરમે આરોપ લગાવ્યો છે કે બંને મહિલાઓ સાથે ખેતરમાં ગેંગરેપ કરવામાં આવ્યો હતો. ITLFએ આ મામલે મહિલા આયોગ અને ST કમિશન પાસે તપાસની માંગ કરી છે. રિપોર્ટ્સ અનુસાર આ મહિલાઓ કુકી જનજાતિની છે.

English summary

Manipur women naked parade video sharing ban, government issues order to twitter and other social media platform.