જેએનયુ હિંસાઃ બુકાનીધારી યુવતીની થઈ ઓળખ, દિલ્લી યુનિવર્સિટીની છે છાત્ર

મોટા સમાચાર સામે આવી રહ્યા છે કે જેએનયુ હિંસામાં બુકાનીધારી ચેક્સ શર્ટવાળી યુવતીની ઓળખ કરી લેવામાં આવી છે.

Updated: Monday, January 13, 2020, 11:13 [IST]

જવાહરલાલ નહેરુ વિશ્વ વિદ્યાલયમાં 5 જાન્યઆરીના રોજ બુકાનીધારીઓ દ્વારા છાત્રોની પિટાઈ કરવામાં આવી હતી. આ કેસમાં દિલ્લી પોલિસે 9 લોકોને પૂછપરછમાં શામેલ થવા માટે નોટિસ મોકલી છે. વળી, મોટા સમાચાર સામે આવી રહ્યા છે કે બુકાનીધારી ચેક્સ શર્ટવાળી યુવતીની ઓળખ કરી લેવામાં આવી છે. એસઆઈટી ટીમે ઓળખ કરી છે કે જે બુકાનીધારી યુવતી વીડિયોમાં દેખાઈ હતી તે દિલ્લી વિશ્વવિદ્યાલયની છે અને જલ્દી તેને નોટિસ મોકલવામાં આવશે.

બુકાનીધારી યુવતી દિલ્લી યુનિવર્સિટીની છાત્રાઃ પોલિસ

દિલ્લી પોલિસ તરફથી કહેવામાં આવ્યુ છે કે બુકાનીધારી યુવતીની ઓળખ દિલ્લી યુનિવર્સિટીની છાત્રા તરીકે થઈ છે અને ટૂંક સમયમાં તેને નોટિસ મોકલવામાં આવશે. અમુક મીડિયા રિપોર્ટ્સમાં આ યુવતીના એબીવીપી સાથે જોડાયા હોવાનો દાવો કરવામાં આવી રહ્યો છે. જો કે દિલ્લી પોલિસે આ વિશે કોઈ દાવો નથી કર્યો કે એ છાત્રાનો સંબંધ કોઈ છાત્ર સંગઠનથી છે. જેએનયુ હિંસાની ઘટના બાદ લેફ્ટ વિંગ અને અબીવીપી એકબીજા પર આરોપ લગાવી રહ્યા છે.

Delhi Police: SIT team has identified that the masked woman who was seen in videos of #JNUViolence is from Delhi University. She will be soon served notice to join the investigation.
— ANI (@ANI) 13 January 2020

જેએનયુમાં થશે નોટિસ મોકલવામાં આવેલ છાત્રોની પૂછપરછ

દિલ્લી પોલિસે કહ્યુ કે જે લોકોને દિલ્લી પોલિસે નોટિસ મોકલી છે તેમની જવાહરલાલ નહેરુ વિશ્વ વિદ્યાલય (જેએનયુ)માં પૂછપરછ કરવામાં આવશે. નવ લોકોને આજથી તપાસમાં શામેલ થવા માટે કહેવામાં આવ્યુ છે. પોલિસે એ 9 છાત્રોની ઓળખ વાયરલ વીડિયો અને ફોટોના આધારે દાવો કરવામાં આવ્યો હતો. સાથે જ વધુ 7 છાત્રોની ઓળખ કરવામાં આવી છે. પોલિસે જણાવ્યુ કે પૂછપરછ માટે હાજર ન થનાર છાત્રોને ફરીથી નોટિસ મોકલીને બોલાવવામાં આવશે.

આઈશી ઘોષની પણ થઈ શકે છે પૂછપરછ

મીડિયા રિપોર્ટ્સ અનુસાર જેએનયુ હિંસા કેસમાં છાત્રસંઘના અધ્યક્ષ આઈશી ઘોષ અને અન્ય લોકોની પણ પૂછપરછ થઈ શકે છે. શનિવારે ડીસીપી ક્રાઈમ બ્રાંચે ડૉ. જૉય ટિર્કીએ જણાવ્યુ હતુ કે કોઈ પણ શંકાસ્પદની હજુ સુધી ધરપકડ કરવામાં આવી નથી પરંતુ અમે જલ્દી તેમની પૂછપરછ કરીશુ. જેએનયુમાં થયેલી હિંસા સામે દેશના ઘણા ભાગોમાં વિરોધ પ્રદર્શન થયા છે. તે દેશના અન્ય શૈક્ષણિક સંસ્થાઓના છાત્ર પ આમાં શામેલ થયા. રાજકીય દળોના હસ્તક્ષેપ બાદ આ વિવાદે રાજકીય તૂલ પકડી લીધુ છે.