Jharkhand Assembly Election 2024: ઝારખંડ ભાજપ અધ્યક્ષનો હુંકાર, કહ્યું યુવાનો સાથે અન્યાય નહીં થવા દઉં

Published: Wednesday, October 2, 2024, 10:38 [IST]

Jharkhand Assembly Election 2024: ઝારખંડ વિધાનસભા ચૂંટણીની તારીખો ટૂંક સમયમાં જાહેર થઈ શકે છે. આ વચ્ચે રાજકીય પક્ષો જોરશોરથી ચૂંટણી પ્રચાર કરી રહ્યા છે. આ સાથે નેતાઓએ એકબીજા પર આરોપ પ્રત્યારોપ લાગવાનો દૌર શરૂ કરી દીધો છે.

ઝારખંડમાં ભારતીય જનતા પાર્ટી પરિવર્તન યાત્રા યોજી રહી છે. જેનું સમાપન આજે વડાપ્રધાન મોદીની હાજરીમાં કરવામાં આવશે. આ દરમિયાન તેઓ ઝારખંડની જનતા 83300 કરોડની યોજનાઓનું લોકાર્પણ અને શિલાન્યાસ પણ કરશે.

આ વચ્ચે ભાજપની પરિવર્તન સભાએ સૌનું ધ્યાન ખેંચ્યું છે. આ સભામાં મધ્યપ્રદેશના મુખ્યમંત્રી મોહન યાદવ અને ભાજપ પ્રદેશ અધ્યક્ષ બાબુલાલ મરાંડી સહિત અનેક દિગ્ગજ નેતાઓએ હેમંત સોરેન સરકારની આકરી ટીકા કરી છે.

આ સાથે તેમણે ઝારખંડ સરકાર પર યુવાનો, વૃદ્ધો અને અન્ય સમુદાયો પ્રત્યે નિષ્ફળ જવાનો આરોપ લગાવ્યો છે.

કેન્દ્રીય પ્રધાન મનસુખ માંડવિયાની રાંચીની મુલાકાત દરમિયાન રાજ્યમાં ભાજપની હાજરીને વધુ મજબૂત કરવાના પ્રયાસોને પ્રકાશિત કર્યા હતા.

ઝારખંડના ભાજપ અધ્યક્ષ બાબુ લાલ મરાંડીએ મુખ્યમંત્રી હેમંત સોરેન પર નિશાન સાધતા જણાવ્યું હતું કે, તમે ઈચ્છો તેટલા કેસ મારી

વિરુદ્ધ નોંધો, પરંતુ યાદ રાખો કે હું ઝારખંડના યુવાનો સાથે અન્યાય નહીં થવા દઉં.

રાજકીય ઉથલપાથલ વચ્ચે, સાંસદ ધુલ્લુ મહેતાએ જમશેદપુરમાં વૈશ્ય સમુદાયના એક કાર્યક્રમમાં જમશેદપુર પૂર્વના ધારાસભ્ય સરયુ રાય સામે ખુલ્લેઆમ અસંમતિ વ્યક્ત કરી હતી.

આ સાથે તેમણે આગામી ચૂંટણીમાં તેમને પડકારવાની પ્રતિજ્ઞા લીધી હતી. આ દરમિયાન સર જેસી બોઝ યુનિવર્સિટી અને એન્જિનિયરિંગ કોલેજનો શિલાન્યાસ કરવામાં આવ્યો હતો. જેને રાજ્યની શિક્ષણ વ્યવસ્થાને પ્રોત્સાહન આપવા માટેનું પગલું ગણવામાં આવી રહ્યું છે.

ઉલ્લેખનીય છે કે, ઝારખંડ કોંગ્રેસના પ્રભારી ગુલામ અહેમદ મીરે સંકેત આપ્યો કે, જો કોંગ્રેસ વધુ બેઠકો જીતે તો મુખ્યમંત્રી પદનું તેમની પાસે રાખવામાં આવે તેવી શક્યતા છે. તેમના આ નિવેદન બાદ ઝારખંડ મુક્તિ મોરચાની મુશ્કેલીમાં વધારો થયો છે.

हेमंत जी, मुझ पर जितने मुकदमे दर्ज कराने हैं, करा दीजिए लेकिन याद रखिएगा कि मैं झारखंड के युवाओं के साथ अन्याय नहीं होने दूंगा।

-प्रदेश अध्यक्ष श्री @yourBabulal जी#परिवर्तन_यात्रा_झारखंड pic.twitter.com/fvDOF3sTFN
— BJP JHARKHAND (@BJP4Jharkhand) October 1, 2024