Jammu Kashmir Election : ઈન્દ્રવાલ સીટ પર 80 ટકાથી વધુ મતદાન, જાણો બીજી સીટોની સ્થિતી

Jammu Kashmir Election Phase 1 : જમ્મુ કાશ્મીરમાં પહેલા ચરણનું મતદાન શાંતિપુર્ણ રીતે સમાપ્ત થયુ છે. 24 સીટો પર 7.30 વાગ્યા સુધીમાં 58.85 ટકા મતદાન નોંધાયુ.

2019 માં કલમ 370 નાબૂદ થયા પછી જમ્મુ કાશ્મીરમાં આ પ્રથમ વિધાનસભા ચૂંટણી છે. આ ચૂંટણીમાં જમ્મુ-કાશ્મીરની ઈન્દ્રવાલ સીટ પર સૌથી વધુ મતદાન નોંધાયુ.

ચૂંટણી પંચ દ્વારા જાહેર કરવામાં આવેલા આંકડા અનુસાર ઈન્દ્રાવલ સીટ પર 80.06 ટકા મતદાન થયું છે. આ સિવાય અન્ય વિસ્તારોમાં પણ લોકોનો સારો પ્રતિસાદ જોવા મળ્યો.

અન્ય વિસ્તારોમાં પડર-નાગસેની અને કિશ્તવાડમાં પણ સારૂ મતદાન જોવા મળ્યુ. અહીં અનુક્રમે 76.80 ટકા અને 77.23 ટકા મતદાન નોંધાયુ. જમ્મુ ક્ષેત્રના પુલવામામાં સૌથી ઓછું 46.03 ટકા મતદાન નોંધાયું. અત્યાર સુધી બહાર આવેલા આંકડાઓ અનુસાર, કાશ્મીર ખીણમાં પહેલગામમાં સૌથી વધુ 67.86 ટકા મતદાન થયું છે.

આ પછી ડીએચ પોરામાં 65.21 ટકા, કુલગામમાં 59.58 ટકા, કોકરનાગમાં 58 ટકા અને દુરુમાં 57.90 ટકા મતદાન થયું હતું. ત્રાલ વિસ્તારમાં સૌથી ઓછું મતદાન 40.58 ટકા નોંધાયુ તો પુલવામામાં પણ આંકડો ટકા નીચે જોવા મળ્યો છે.

આ સિવાય અનંતનાગમાં 41.58 ટકા, અનંતનાગ પશ્ચિમમાં 45.93, પામ્પોરમાં 42.67, રાજપોરામાં 45.78 અને પુલવામામાં 46.22 ટકા મતદાન થયું છે. ઝૈનાપોરામાં 52.64 ટકા અને શોપિયાંના શોપિયાં જિલ્લામાં 54.72 ટકા મતદાન નોધાયુ.

જણાવી દઈએ કે, આ તબક્કામાં સામેલ 24 વિધાનસભા બેઠકોના 23 લાખથી વધુ મતદારો 90 અપક્ષ સહિત 219 ઉમેદવારોના ભાવિનો નિર્ણય કર્યો છે.

English summary

Jammu Kashmir Election: More than 80 percent voting in Indrawal seat, know the status of other seats