ઇન્દિરા ગાંધીની હત્યાની ઉજવણી પર ભારત સરકારે જતાવી નારાજગી, કહ્યું- કેનેડા સરકાર કેમ નથી લઇ રહી એક્શન?
વિદેશ રાજ્ય મંત્રી મીનાક્ષી લેખીએ કેનેડા દ્વારા પૂર્વ વડાપ્રધાન ઈન્દિરા ગાંધીની હત્યાની ઉજવણીની આકરી નિંદા કરી છે. કેનેડાની સરકારની કાર્યશૈલી પર સવાલ ઉઠાવતા તેમણે કહ્યું હતું કે આવા લોકો સામે કડક કાર્યવાહી થવી જોઈએ જેઓ હત્યાનો જશ્ન મનાવી રહ્યા છે.
લેખીએ કહ્યું કે કેનેડા સરકારે આવા મામલામાં કડક કાર્યવાહી કરવી જોઈએ. આ પહેલા વિદેશ મંત્રી એસ જયશંકરે આ અંગે આકરી પ્રતિક્રિયા આપી હતી. કેનેડામાં આ ઉજવણી સામે વાંધો વ્યક્ત કરતાં તેમણે સવાલ કર્યો હતો કે કેનેડાની સરકાર આવી બાબતમાં મૌન કેમ છે?
ગુરુવારે (8 જૂન), કેનેડાના શહેર બ્રેમ્પટનમાં સ્વર્ગસ્થ ભારતીય વડા પ્રધાન ઈન્દિરા ગાંધીની હત્યા માટે ઉજવણીના અહેવાલો બહાર આવ્યા હતા. જેના પર વિદેશ રાજ્ય મંત્રી મીનાક્ષી લેખીએ એક નિવેદનમાં જણાવ્યું હતું કે, "કોઈપણ લોકશાહી શાસનમાં કોઈ પણ હત્યા કે માનવવધ એ ગુનો છે. તેથી જે કંઈ ગુનો છે તેની ઉજવણી કરી શકાતી નથી. કેનેડામાં જે કંઈ થઈ રહ્યું છે તેના પર કાયદા અનુસાર, સરકાર પગલાં લેવા જોઈએ.
આ ઝાંખીઓ વચ્ચે ખાલિસ્તાન સમર્થકો સક્રિય થયા અને એક ઝાંખીમાં ઈન્દિરા ગાંધીની હત્યાનું દ્રશ્ય બતાવવામાં આવ્યું. જેમાં ઈન્દિરા ગાંધીની જેમ એક મહિલાને હાથ ઉપર રાખીને ઊભી કરવામાં આવી હતી અને સુરક્ષાકર્મીઓ દ્વારા મારપીટ થતી બતાવવામાં આવી હતી.
આ પછી, ઉજવણીની બાબત પણ ઝાંખીનો એક ભાગ છે. જે ટ્રક પર આ ઝાંખી બતાવવામાં આવી છે, તેમાં 1984ના શીખ હત્યાકાંડને બદલો ગણાવીને તેની યાદ અપાવવામાં આવી છે.
Click it and Unblock the Notifications
Sign in with Google
