હીરો મોટોકોર્પના ચેરમેન પવન મુંજાલના ઘરે આવકવેરાના દરોડા, કંપનીના ઉચ્ચ અધિકારીઓના ઘરે પણ દરોડા!

આવકવેરા વિભાગે હીરો મોટોકોર્પના ચેરમેન અને મેનેજિંગ ડિરેક્ટર પવન મુંજાલના ઘર અને ઓફિસ પર દરોડા પાડ્યા છે. સવારથી જ તેમના ગુડગાંવના નિવાસસ્થાન અને ઓફિસમાં સર્ચ ચાલુ છે.

નવી દિલ્હી : આવકવેરા વિભાગે હીરો મોટોકોર્પના ચેરમેન અને મેનેજિંગ ડિરેક્ટર પવન મુંજાલના ઘર અને ઓફિસ પર દરોડા પાડ્યા છે. સવારથી જ તેમના ગુડગાંવના નિવાસસ્થાન અને ઓફિસમાં સર્ચ ચાલુ છે. આઈટી વિભાગના અધિકારીઓ કંપનીના અન્ય ઉચ્ચ અધિકારીઓના ઘર પર પણ સર્ચ કરી રહ્યા છે. Hero MotoCorpનું નેતૃત્વ પવન મુંજાલ કરે છે અને તેણે એશિયા, આફ્રિકા, દક્ષિણ અમેરિકા અને મધ્ય અમેરિકાના 40 દેશોમાં તેની હાજરી વિસ્તારી છે.

Hero MotoCorp પાસે વૈશ્વિક સ્તરે બેન્ચમાર્કવાળી 8 ઉત્પાદન સુવિધાઓ છે. ભારતમાં 6 અને કોલંબિયા અને બાંગ્લાદેશમાં 1-1 સ્થાનિક મોટરસાઇકલ માર્કેટમાં 50 ટકાથી વધુ હિસ્સા સાથે ટુ-વ્હીલર નિર્માતા ભારતમાં મુખ્ય બજાર કવર કરે છે.

Income Tax department conducting searches at multiple premises of Hero Motocorp. The office and residence of promoter Pawan Munjal and premises linked to the top officials of the company are covered in this search. More details awaited: Sources

— ANI (@ANI) March 23, 2022

આવકવેરા વિભાગના સૂત્રોએ જણાવ્યું હતું કે મુંજાલની ગુરુગ્રામ, હરિયાણા, દિલ્હી અને અન્ય કેટલાક સ્થળોએ આવેલી ઓફિસો અને રહેણાંક સંકુલોને આવરી લેવાયા છે. તેમણે કહ્યું કે વિભાગના અધિકારીઓની એક ટીમ કંપની અને પ્રમોટરોના નાણાકીય દસ્તાવેજો અને અન્ય વ્યવસાયિક વ્યવહારોની તપાસ કરી રહી છે.

આવકવેરા વિભાગના સૂત્રોએ જણાવ્યું હતું કે, "હીરો મોટોકોર્પના ચેરમેન પવન મુંજાલના પરિસરમાં સર્ચ કરવામાં આવી રહ્યું છે. હીરો મોટોકોર્પ અને તેના વરિષ્ઠ અધિકારીઓની બે ડઝનથી વધુ જગ્યાઓ પર પણ સર્ચ કરવામાં આવી રહ્યું છે. કરચોરીની શંકાના આધારે સર્ચ કરવામાં આવી રહ્યું છે.

English summary

Income tax raids on the home of Pawan Munjal, chairman of Hero MotoCorp