સંસદમાં આજેઃ CVC કમિશન એક્ટમાં વધુ સુધારો કરવા માટેનુ બિલ આજે હાથ ધરાશે
CVC કમિશન એક્ટમાં વધુ સુધારો કરવા માટેનુ બિલ આજે હાથ ધરાશે. જાણો સંસદમાં આજે શું શું થશે.
નવી દિલ્લીઃ પ્રધાનમંત્રી નરેન્દ્ર મોદીએ ભાજપની સંસદીય બેઠક દરમિયાન સંસદના બંને ગૃહોમાં સાંસદોની હાજરી પર ભાર મૂક્યો હતો. બીજી તરફ 12 સાંસદોને સસ્પેન્ડ કરવા પર વિપક્ષે પોતાનો વિરોધ ચાલુ રાખ્યો હતો. કોંગ્રેસ નેતા રાહુલ ગાંધીએ કહ્યુ હતુ કે ખેડૂતોને વળતર અને નોકરી આપવી જોઈએ. હું ઈચ્છુ છુ કે ખેડૂતોને તેમનો હક આપવામાં આવે. રાહુલ ગાંધીએ એમ પણ કહ્યુ કે તેમને વળતર અને નોકરી આપવામાં આવે.
લોકસભામાં આજે
કેન્દ્રીય મંત્રી ગજેન્દ્ર સિંહ શેખાવતે રાજ્યસભા દ્વારા કરવામાં આવેલા સુધારા બાદ એક બિલ રજૂ કરશે કે જે બંધની નિષ્ફળતા સાથે સંબંધિત આફતોની રોકથામ માટે નિર્દિષ્ટ બંધનુ નિરીક્ષણ, સંચાલન અને જાળવણીની જોગવાઈ આપે છે. સંસ્થાગત તંત્ર માટે તેમના સુરક્ષિત કામકાજને સુનિશ્ચિત કરવા અને તેની સાથે જોડાયેલી કે આકસ્મિક બાબતો માટે.
કેન્દ્રીય મંત્રી ડૉ. જિતેન્દ્ર સિંહ કેન્દ્રીય સતર્કતા આયોગ અધિનિયમ, 2003માં વધુ સુધારા કરવા માટેનુ બિલ રજૂ કરશે.
કેન્દ્રીય મંત્રી ડૉ. જિતેન્દ્ર સિંહ દિલ્લી સ્પેશિયલ પોલિસ એસ્ટાબ્લિશમેન્ટ એક્ટ, 1946માં સુધારો કરવા માટે તે બિલને રજૂ કરશે.
સાંસદ કનિમોઝી કરુણાનિધિ અને એન કે પ્રેમચંદ્રન ક્લાયમેટ ચેન્જ પર ચર્ચા કરશે.
રાજ્યસભામાં આજે
આસિસ્ટેડ રિપ્રોડક્ટીવ ટેકનોલૉજી ક્લીનિકોના નિયમન અને દેખરેખ માટે બિલ પર વધુ વિચાર કરવામાં આવશે.
રાષ્ટ્રીય સરોગસી બોર્ડ, રાજ્ય સરોગસી બોર્ડની રચના કરવા અને સરોગસીની પ્રથા અને પ્રક્રિયાના નિયમન માટે યોગ્ય અધિકારીઓની નિમણૂક કરવા માટેના બિલ પર વધુ વિચારણા કરવામાં આવશે.
Click it and Unblock the Notifications
Sign in with Google
