જાણો કેટલી હોય છે મુખ્યમંત્રીની સેલેરી, આ રાજ્યના મુખ્યમંત્રીને મળે છે સૌથી વધુ પગાર

By Desk

Updated: Friday, September 8, 2023, 15:51 [IST]

સામાન્ય રીતે સરકારી કે પ્રાઈવેટ કામ કરતા લોકોને એક ચોક્કસ સેલેરી મળે છે. હોદ્દાના આધારે આ સેલેરી નક્કી થાય છે. જો કે આ તો વાત થઈ સામાન્ય લોકોની પણ મોટા ભાગના લોકોને એ નથી ખબર કે સરકાર ચલાવતા નેતાઓને પણ ચોક્કસ સેલેરી મળે છે.

મુખ્યમંત્રી રાજ્યનો વડો હોય છે અને તેને લોકો દ્વારા ચૂંટવામાં આવે છે. જો કે ચૂંટાયા બાદ તેને પગાર મળે છે. હવે સવાલ એ છે કે એક મુખ્યમંત્રીને કેટલો પગાર મળે? તો આવા ઘણા સવાલોના જવાબ આજે અમે તમને અહીં આપવાના છીએ.

દેશમાં જે પદ વડાપ્રધાનનું છે તે રાજ્યમાં મુખ્યમંત્રીનું છે. મુખ્યમંત્રી રાજ્યની વિધાનસભામાં ધારાસભ્યોના નેતા છે તો વડાપ્રધાન લોકસભામાં સંસદ સભ્યોના નેતા છે. ભારત સરકારના અધિકારીઓ તેમના કામના બદલામાં પગાર મેળવે છે.

ભારતના રાષ્ટ્રપતિનો પગાર મહિને 5 લાખ છે અને તેમને અલગથી ભથ્થા મળે છે. બીજી તરફ ભારતમાં મુખ્યમંત્રીઓનો પગાર દરેક રાજ્યમાં બદલાય છે. તેલંગાણાના મુખ્યમંત્રીને દેશના અન્ય મુખ્યમંત્રીઓની સરખામણીમાં સૌથી વધુ પગાર મળે છે.

જો પગારની બાબતમાં ટોપ-5 રાજ્યો અને કેન્દ્રશાસિત પ્રદેશોની વાત કરીએ તો તેલંગાણાના મુખ્યમંત્રીને સૌથી વધુ પગાર મળે છે. તેલંગાણાના મુખ્યમંત્રીને માસિક 4,10,000 રૂપિયા પગાર મળે છે.
આ લિસ્ટમાં બીજા નંબર પર દિલ્હી છે. અહીં સીએમને દર મહિને 3,90,000 રૂપિયાનો મોટો પગાર મળે છે. આ પછી મહારાષ્ટ્ર 3,40,000 અને આંધ્ર પ્રદેશના મુખ્યમંત્રીને માસિક 3,35,000 રૂપિયા મળે છે.

બિહારની વાત કરીએ તો ત્યાંના સીએમને 2 લાખ 15 હજાર રૂપિયા માસિક પગાર મળે છે. મણિપુર, નાગાલેન્ડ અને ત્રિપુરા સૌથી ઓછા પગારવાળા રાજ્યોની યાદીમાં આવે છે, જ્યાં મુખ્યમંત્રીઓને અનુક્રમે 1,20,000, 1,10,000 અને 1,5,550 પ્રતિ માસ પગાર મળે છે.