Haryana Election Result : કિસાન આંદોલનના મુખ્ય નેતા ગુરનામ ચઢૂનીના જામીન જપ્ન, માત્ર આટલા મત મળ્યા

Pehowa Election Result : હરિયાણા વિધાનસભા ચૂંટણીના પરિણામોમાં મોટો ઉલટફેર જોવા મળ્યો છે. અહીં ભારે વિરોધનો સામનો કરી રહેલી બીજેપી આશ્ચર્યજનક રીતે જીતી ગઈ છે.

ઈવીએમમાં હેરાફેરીની ફરિયાદો વચ્ચે ખેડૂત નેતા ગુરનામ ચઢૂની જામીન પણ બચાવી શક્યા નથી. ચૂંટણીમાં ખેડૂત આંદોલન મુખ્ય મુદ્દો હોવા છત્તા ગુરૂનામ ચઢૂનીની શરમજનક હાર થઈ છે.

ત્રણ કૃષિ કાયદાઓને લઈને કેન્દ્ર સરકાર સામે મોરખો ખોલનારા ખેડૂતોને લીડ કરનારા ગુરનામ સિંહ ચઢૂની કુરુક્ષેત્ર જિલ્લાની પેહોવા વિધાનસભા બેઠક પરથી ચૂંટણી લડી રહ્યા હતા.

અહીં તેમને માત્ર 1 હજાર 170 વોટ મળ્યા. તેમના જામીન પણ જપ્ત થયા છે. આ બેઠક પર કોંગ્રેસના મનદીપ ચટ્ટાનો વિજય થયો છે. મનદીપને કુલ 64548 વોટ મળ્યા. તેમણે 6553 મતોની સરસાઈથી ચૂંટણી જીતી લીધી.

સંયુક્ત સંઘર્ષ પાર્ટીમાંથી ચૂંટણી લડનારા ખેડૂત નેતા ચઢૂનીને લોકોએ નકાર્યા છે. અહીં કોંગ્રેસ પછી ભાજપના જય ભગવાન શર્માને 57995 મત મળ્યા.

ગુરનામ સિંહ ચઢૂની હરિયાણામાં ભારતીય કિસાન યુનિયનના વડા પણ છે. તેઓ 2020-21 ના ​​ખેડૂતોના આંદોલનના મુખ્ય નેતાઓમાંના એક હતા, જ્યારે ખેડૂતોએ કેન્દ્ર સરકાર દ્વારા પસાર કરાયેલા ત્રણ કૃષિ કાયદાઓના વિરોધમાં દિલ્હીમાં મોરચો ખોલ્યો હતો.

English summary

Haryana Election Result: The defeat of Gurnam Chaduni, the main leader of Kisan protest