Lalitha Lajmi Passed Away: જાણીતા પેઈન્ટર લલિતા લાઝમીનુ નિધન, ફિલ્મ તારે જમીન પરમાં કર્યો હતો કેમિયો રોલ

ફેમસ પેઈન્ટર અને ફિલ્મ એક્ટર-લેખક ગુરુદત્તના બહેન લલિતા લાઝમીનુ 90 વર્ષની વયે નિધન થઈ ગયુ છે.

Published: Tuesday, February 14, 2023, 10:20 [IST]

Lalitha Lajmi Passed Away: જાણીતા ફિલ્મ એક્ટર-લેખક ગુરુદત્તના બહેન અને લોકપ્રિય પેઈન્ટર લલિતા લાઝમીનુ સોમવારે 90 વર્ષની વયે નિધન થઈ ગયુ. જ્હાંગીર નિકોલ્સન આર્ટ ફાઉન્ડેશને તેમના મોતની માહિતી આપી છે. તેમણે સોશિયલ મીડિયા પર એક પોસ્ટ લખી છે, જેમાં લખવામાં આવ્યુ છે કે, 'કલાકાર લલિતા લાઝમીના નિધનના સમાચારથી અમને અપાર દુઃખ થયુ છે, લાઝમી એક સેલ્ફમેડ આર્ટિસ્ટ હતા, જેમની શાનદાર છાપ તેમની જાણીતી કલાકૃતિ ડાંસ ઑફ લાઈફ એન્ડ ડેથમાં જોવા મળે છે.'

તમને જણાવી દઈએ કે લલિતા લાજમીનો જન્મ 17 ઓક્ટોબર 1932ના રોજ પશ્ચિમ બંગાળના કોલકાતામાં થયો હતો, તેઓ શાસ્ત્રીય સંગીત અને નૃત્યના ખૂબ જ શોખીન હતા પરંતુ તેઓ પરંપરાગત અને સિદ્ધાંતવાદી પરિવાર સાથે સંબંધ ધરાવતા હતા, જ્યાં તે સમયે સંગીત અને સંગીત નૃત્યને સારુ માનવામાં આવતુ ન હતુ. આ ક્ષેત્રમાં કારકિર્દી બનાવવા માટે તેમણે પેઇન્ટ અને કેનવાસમાં તેમની રુચિ વિકસાવી અને આ શોખે તેમને રંગીન કેનવાસના કલાકાર બનાવ્યા.

તેમની પ્રથમ પેઇન્ટિંગ રૂ.100માં વેચાઈ હતી. લલિતા લાજમીએ ભારત સહિત પેરિસ, લંડન અને નેધરલેન્ડ સહિત ઘણા દેશોમાં કલા પ્રદર્શનો પ્રદર્શિત કર્યા, તેમના ચિત્રોમાં તમામ પ્રકારના રંગો દેખાતા હતા, તેમણે સ્ત્રીને કોમળ બતાવી છે, અને તેમની કલાકૃતિઓમાં સ્ત્રીને નિર્ભય અને શક્તિશાળી પણ દર્શાવી છે. તેમના લગ્ન કેપ્ટન ગોપી લાજમી સાથે થયા હતા. આ લગ્નથી તેમને એક પુત્રી કલ્પના લાજમી હતી, જે એક જાણીતા ફિલ્મ નિર્દેશક હતા અને વર્ષ 2018માં તેમનુ અવસાન થયુ હતુ.

લલિતા લાજમીએ આમિર ખાનની સુપરહિટ ફિલ્મ 'તારે જમીન પર'માં કેમિયો રોલ કર્યો હતો. વળી, તેમણે અમોલ પાલેકરના એક નાટક માટે કોસ્ચ્યુમ ડિઝાઈનિંગ પણ કર્યુ હતુ, એટલું જ નહીં તેમણે હિન્દી ફિલ્મ 'આઘાત'માં ગ્રાફિક્સ આર્ટિસ્ટ તરીકે પણ કામ કર્યુ હતુ. તેમના નિધન પર બૉલિવુડના દિગ્ગજ કલાકારોએ તેમને શ્રદ્ધાંજલિ આપી છે. આર્ટ ફિલ્ડમાં કામ કરતી વખતે તેમણે અનેક એવોર્ડ પણ પોતાના નામે કર્યા હતા.