માસ્ક ના પહેરી અને દિલ્હી પોલીસ સાથે ગેરવર્તણુંક કરનાર કપલ ગિરફ્તાર, વીડિયો થયો વાયરલ

દિલ્હીના દરિયાગંજમાં ગઈકાલે પોલીસકર્મીઓ સાથે ગેરવર્તન કરનારા દંપતીની ધરપકડ કરવામાં આવી છે. માસ્ક નહીં પહેરવાનું કહ્યું ત્યારે તેણે પોલીસકર્મી સાથે દુર્વ્યવહાર કર્યો હતો, જેનો વીડિયો પણ સોશિયલ મીડિયા પર જોરદાર વાયરલ થયો હતો. આરોપી પતિની ગઈકાલે એટલે કે રવિવારે ધરપકડ કરવામાં આવી હતી, જ્યારે પત્નીની આજે ધરપકડ કરવામાં આવી છે.

મળતી માહિતી મુજબ, રવિવાર (18 એપ્રિલ) ના રોજ એક કારમાં એક દંપતી દિલ્હીના દરિયાગંજ વિસ્તારથી જઇ રહ્યું હતું. તેઓએ કારની અંદર માસ્ક પેર્યુ ન હતુ, ત્યારબાદ પોલીસે તેમને રોકીને ચાલાન કાપવાનું કહ્યું હતું, ત્યારબાદ ગુસ્સે ભરાયેલા પતિ-પત્નીએ પોલીસ કાર્યવાહીની બાબતે શેરીની વચ્ચે જ હોબાળો મચાવ્યો હતો, જેનો વીડિયો તે સોશિયલ મીડિયા પર વાયરલ થયો હતો. તે જ સમયે, બંનેની ધરપકડ કરવામાં આવી છે.

#WATCH | A couple misbehaved with Delhi Police personnel in Daryaganj area earlier today after they were stopped & asked the reason for not wearing face masks.

"An FIR under various sections of IPC has been lodged against them," say police.

(Video source - Delhi Police) pic.twitter.com/hv1rMln3CU

— ANI (@ANI) April 18, 2021

દિલ્હી પોલીસે જારી કરેલા વીડિયોમાં સ્પષ્ટ થઈ ગયું છે કે કેવી રીતે મહિલા અને તેનો પતિ પોલીસ સાથે ગેરવર્તણુંક કરી રહ્યા છે. મળતી માહિતી મુજબ પોલીસે પટેલ નગર નિવાસી પંકજ દત્તા અને તેની પત્ની આભા યાદવ વિરુદ્ધ ગુનો નોંધ્યો હતો, ત્યારબાદ કાર્યવાહી હાથ ધરી છે. ગઈકાલે સાંજે સાડા ચાર વાગ્યે આ ઘટના બની હતી. આપને જણાવી દઈએ કે દિલ્હીમાં છેલ્લા કેટલાક દિવસોમાં કોરોના ચેપના કેસોમાં ખૂબ જ વધારો જોવા મળી રહ્યો છે. આને કારણે નાઇટ કર્ફ્યુથી માંડીને વિકેન્ડ કર્ફ્યુ લાગુ કરવામાં આવ્યા છે.

આ પણ વાંચો: કાલીગંજમાં બોલ્યાં મમતા બેનરજી- દેશમાં કોરોનાની બીજે લહેર માટે પીએમ મોદી જવાબદાર

English summary

Couple Not wearing mask and misbehaving with Delhi Police arrested, video goes viral