કોઈ પણ પદ પર ભરતી માટે મહિલાઓની છાતીનુ માપ કરવુ અપમાનજનકઃ કોર્ટ
રાજસ્થાન હાઈકોર્ટે કોઈપણ ભરતી પ્રક્રિયા દરમિયાન મહિલાઓની છાતી માપવાની પ્રક્રિયાની નિંદા કરી છે. કોર્ટે મહિલાઓની છાતી માપવાની પ્રક્રિયાને માત્ર નિંદનીય નહિ પરંતુ તેને મનસ્વી અને અપમાનજનક પણ ગણાવી છે. કોર્ટે કહ્યું કે આનાથી મહિલાની ગરિમાને ઠેસ પહોંચે છે.
કોર્ટે રાજ્ય પ્રશાસનને નિર્દેશ આપ્યો છે કે શું અન્ય કોઈ વિકલ્પ હોઈ શકે તે અંગે નિષ્ણાતોના અભિપ્રાય લેવા જેથી મહિલાઓની ક્ષમતાનું મૂલ્યાંકન કરી શકાય. જસ્ટિસ દિનેશ મહેતાએ ત્રણ મહિલાઓ દ્વારા દાખલ કરવામાં આવેલી અરજી પર સુનાવણી દરમિયાન આ ટિપ્પણી કરી હતી.
વાસ્તવમાં ફોરેસ્ટ ગાર્ડની ભરતી વખતે ત્રણ મહિલાઓની તમામ શારીરિક ક્ષમતાઓ નિયમ મુજબ હતી, પરંતુ છાતીના માપને કારણે તેઓને બાકાત રાખવામાં આવ્યા હતા. આ નિર્ણયને પડકારતાં ત્રણેય મહિલાઓએ કોર્ટમાં અરજી કરી હતી.
જો કે, આ અરજી પર સુનાવણી કરતી વખતે, કોર્ટે ભરતી પ્રક્રિયામાં દખલ કરવાનો ઇનકાર કર્યો છે, જે પહેલાથી જ થઈ ચૂકી છે. પરંતુ કોર્ટે કહ્યું કે મહિલા ઉમેદવારોની છાતી માપવા પર ચર્ચાની જરૂર છે. પછી ભલે તે ફોરેસ્ટ ગાર્ડની જગ્યા માટે ભરતી હોય કે અન્ય કોઈ પોસ્ટ માટે.
સ્ત્રીઓની છાતીનું માપ પુરુષોની સરખામણીમાં શારીરિક તંદુરસ્તીનું સૂચક ન હોઈ શકે. પરંતુ જો આવું હોય તો પણ તે મહિલાની ગોપનીયતા પર અસર કરે છે અને તેની ગોપનીયતામાં દખલ છે. આ માત્ર અતાર્કિક નથી પરંતુ સ્ત્રીના ગૌરવને ઠેસ પહોંચાડવા અને અપમાનિત કરવા સમાન છે.
Click it and Unblock the Notifications
Sign in with Google
