પંજાબમાં ભગવંત માન સરકાર લાવશે રોકાણ ક્રાંતિ, લાખો યુવાનોને મળશે રોજગાર
ચંદીગઢમાં પ્રેસ કૉન્ફરન્સ દરમિયાન મુખ્યમંત્રી ભગવંત માને કહ્યુ કે માન સરકાર પંજાબમાં રોકાણ ક્રાંતિ લાવશે. જૂની સરકારના સમયે ઉદ્યોગ પંજાબ છોડી ગયા હતા અથવા તેમની ઉદાસીનતાને કારણે અહીં ઉદ્યોગ જરા પણ આવ્યા ન હતા.
પંજાબના મુખ્યમંત્રી ભગવંત માને રાજ્યના યુવાનો માટે મોટી જાહેરાત કરી છે. ચંદીગઢમાં પ્રેસ કૉન્ફરન્સ દરમિયાન મુખ્યમંત્રીએ કહ્યુ કે માન સરકાર પંજાબમાં રોકાણ ક્રાંતિ લાવશે. જૂની સરકારના સમયે ઉદ્યોગ પંજાબ છોડી ગયા હતા અથવા તેમની ઉદાસીનતાને કારણે અહીં ઉદ્યોગ જરા પણ આવ્યા ન હતા. અમે ઉદ્યોગને પંજાબમાં પાછા લાવીશુ. પંજાબમાં અત્યાર સુધીમાં 10 મહિનામાં 38 હજાર 175 કરોડ રૂપિયાની ઈન્ડસ્ટ્રી આવી છે, જેમાં 2 લાખ, 43 હજાર 248 લોકોને રોજગાર મળશે.
આ દરમિયાન પત્રકારો દ્વારા પૂછવામાં આવેલા સવાલો પર સીએમ માને પાકિસ્તાન સાથેના વેપાર પર સીધો ઇનકાર કર્યો હતો. તેમનુ કહેવુ છે કે પાકિસ્તાનની હાલત ખરાબ છે અને તેઓ આપણને રોજ ઝેર મોકલી રહ્યા છે. તેમની સાથે બિલકુલ વેપાર નહિ થાય. આ સાથે તેમણે કહ્યુ કે ચેન્નાઈ, બેંગલુરુ, મુંબઈ, જર્મનીના ઉદ્યોગપતિઓ સાથે બેઠક થઈ છે. મુખ્ય ઉદ્યોગ ટાટા સ્ટીલ લુધિયાણામાં રૂ. 2600 કરોડનો પ્લાન્ટ સ્થાપી રહી છે, જે જમશેદપુર પછી બીજો સૌથી મોટો પ્લાન્ટ હશે.
આ ઉપરાંત નેસ્લે, વર્ધમાન સ્પેશિયલ સ્ટીલ, બેવો ટેક્નોલોજી વગેરે પણ પંજાબમાં આવી રહી છે. મુખ્યમંત્રીએ કહ્યુ કે રોકાણ દરમિયાન મેન્યુફેક્ચરિંગમાં 7,000 કરોડ રૂપિયાનુ રોકાણ કરવામાં આવશે અને 42,000 નોકરીઓનુ સર્જન થશે. આ રીતે ટેક્સટાઇલ સેક્ટરમાં રૂ.3,500 કરોડના રોકાણ સાથે 14,000 નોકરીઓનુ સર્જન થશે, ફૂડ પ્રોસેસિંગમાં રૂ.3,000 કરોડથી 16,000 નોકરીઓ, રિયલ એસ્ટેટમાં રૂ. 12,000 કરોડથી 1.25 લાખ નોકરીઓ, રૂ. 4,000 કરોડની નોકરીઓ, એલોય સ્ટીલ સેક્ટરમાં 10,000 નોકરીઓ મળશે. બીજી તરફ મુખ્યમંત્રીએ જણાવ્યુ હતુ કે અગાઉ બહારથી આવતા ઉદ્યોગોના 2 પરિવારોમાં એસઓયુ પર હસ્તાક્ષર થતા હતા પરંતુ હવે અહીં આવતા ઉદ્યોગોના 3 કરોડ પંજાબીઓ સાથે MOU સાઈન થશે.
Click it and Unblock the Notifications
Sign in with Google
