સેલેરી માંગવા પર 15 વર્ષની છોકરીની હત્યા, લાશના કર્યા 12 ટુકડા

દેશની રાજધાની દિલ્હીમા છેલ્લા ત્રણ વર્ષથી નહીં મળેલી સેલેરી માટે માંગ કરતા 15 વર્ષની યુવતીની હત્યા કરી દેવામાં આવી છે.

By Prajapati Anuj

Updated: Monday, May 21, 2018, 12:03 [IST]

દેશની રાજધાની દિલ્હીમા છેલ્લા ત્રણ વર્ષથી નહીં મળેલી સેલેરી માટે માંગ કરતા 15 વર્ષની યુવતીની હત્યા કરી દેવામાં આવી છે. એક બિઝનેસમેનના ઘરે કામ કરી રહેલી આ યુવતીની લાશ 2 અઠવાડિયા પહેલા એક ગટરમાં પડેલી મળી. લાશના ટુકડા કરીને તેને એક પ્લાસ્ટિકની બેગમાં ભરીને ગટરમાં ફેંકી દેવામાં આવી હતી. પોલીસે આ મામલે નાગલોઈ માં મંજીત કાલરા નામના વ્યક્તિની ધરપકડ કરી છે, જે સારી નોકરી આપવાની લાલચ આપીને યુવતીને ઝારખંડ થી દિલ્હી લઈને આવ્યો હતો.

બિઝનેસમેન બધો જ પગાર આપતો હતો, પરંતુ...

Photo Credit: ઇન્ડિયન એક્સપ્રેસ

દિલ્હી પોલીસે 15 વર્ષની યુવતીની હત્યાનો મામલો ઉકેલી નાખ્યો છે. પોલીસને 2 અઠવાડિયા પહેલા એક ગટરમાં યુવતીનું શવ મળ્યું હતું જેના 12 ટુકડા કરવામાં આવ્યા હતા. યુવતીની ઓળખ ઝારખંડ ની સોની કુમારી તરીકે કરવામાં આવી છે, જે બિઝનેસમેનના ઘરે કામ કરતી હતી. છોકરીની સેલેરી 6500 રૂપિયા હતી પરંતુ તેને એક રૂપિયો પણ આપવામાં આવ્યો ના હતો. બિઝનેસમેન તેને સમયસર પગાર આપતો હતો પરંતુ તેનો બધો જ પગાર તેને દિલ્હી લઈને આવનાર લોકો હડપી લેતા હતા.

સારી નોકરી અપાવવાના બહાને તેને દિલ્હી લઇ આવ્યા

છોકરીએ જયારે ત્રણ વર્ષ પછી પૈસાની માંગ કરી ત્યારે તેને હત્યા કરી દેવામાં આવી. પોલીસે આ મામલે 4 લોકોની ધરપકડ પણ કરી છે જેમાં એક મહિલા પણ શામિલ છે. પોલીસે જણાવ્યું કે આ લોકો છોકરીઓને સારી નોકરી નું કહીને દિલ્હી લાવે છે અને પછી તેમને નોકરાણી નું કામ આપે છે.

12 ટુકડાઓમાં લાશ કાપી

પોલીસે જણાવ્યું કે છોકરીના આરોપી પાસે 2 લાખ કરતા પણ વધારે પૈસા નીકળતા હતા. જયારે તેને પોતાના પૈસા માંગ્યા અને કહ્યું કે તેને ઘરે જવું છે ત્યારે આરોપીઓ ગભરાઈ ગયા. તેમને લાગ્યું કે છોકરી પોલીસ પાસે પણ જઈ શકે છે. 3 મેં દરમિયાન આરોપીઓ તેને ઘરે મોકલવાના બહાને લઈને આવ્યા. ત્યારપછી તેના માથા અને ગળા પર હુમલો કર્યો. તેની લાશના ટુકડા કરીને તેને પ્લાસ્ટિકની બેગમાં ભરીને ગટરમાં ફેંકી આવ્યા.