Western Railway: Indigoની ફ્લાઈટની રદ થતા રેલવેનો મોટો નિર્ણય, સાબરમતી-દિલ્હી વચ્ચે દોડશે સ્પેશિયલ ટ્રેન

Western Railway: અમદાવાદ-દિલ્હી કોરિડોર પર મુસાફરોની અવરજવર જળવાઈ રહે તે માટે પશ્ચિમ રેલવે દ્વારા 'ટ્રેન ઑન ડિમાન્ડ' (TOD) સ્પેશિયલ ટ્રેન નંબર 09497/09498ની જાહેરાત. મહેતાપુરા ફાટક સમારકામને કારણે 8 અને 9 ડિસેમ્બરે બંધ રહેશે.

તાજેતરમાં ઇન્ડિગો (IndiGo)ની અનેક ફ્લાઇટ્સ રદ થવાને કારણે અમદાવાદ-દિલ્હી કોરિડોર પર મુસાફરોની અવરજવર પર અસર પડી છે. મુસાફરોની માંગ અને સુવિધાને ધ્યાનમાં રાખીને, પશ્ચિમ રેલવે દ્વારા સાબરમતી અને દિલ્હી જંક્શન વચ્ચે વિશેષ 'ટ્રેન ઑન ડિમાન્ડ' (TOD) સ્પેશિયલ ટ્રેન નંબર 09497/09498 ચલાવવાનો નિર્ણય લેવામાં આવ્યો છે. આ ટ્રેન મુસાફરોને વિશ્વસનીય અને સમયસર કનેક્ટિવિટી પૂરી પાડશે.

ટ્રેન સંખ્યા 09497/09498 સાબરમતી-દિલ્હી સુપરફાસ્ટ સ્પેશિયલ (4 ફેરા)

ટ્રેન નંબર | રૂટ | પ્રસ્થાનની તારીખ | પ્રસ્થાન સમય | આગમન સમય (બીજા દિવસે)
09497 | સાબરમતી - દિલ્હી | 7 અને 9 ડિસેમ્બર 2025 | રાત્રે 22:55 વાગ્યે | બપોરે 15:15 વાગ્યે
09498 | દિલ્હી - સાબરમતી | 8 અને 10 ડિસેમ્બર 2025 | રાત્રે 21:00 વાગ્યે | બપોરે 12:20 વાગ્યે

રોકાણ: રસ્તામાં આ ટ્રેન બંને દિશામાં મહેસાણા, પાલનપુર, આબુ રોડ, મારવાડ જંક્શન, અજમેર, જયપુર, અલવર, રેવાડી, ગુડગાંવ અને દિલ્હી કેન્ટ સ્ટેશનો પર રોકાશે.

રચના: આ ટ્રેનમાં AC 3-ટાયર ક્લાસના કોચ હશે.

મુસાફરીનો સમય: આ ટ્રેન કુલ 925 કિલોમીટરનું અંતર કાપશે. સાબરમતી-દિલ્હીનો મુસાફરી સમય અંદાજે 16.20 કલાક અને દિલ્હી-સાબરમતીનો મુસાફરી સમય 15.20 કલાકનો છે.

ટ્રેન સંખ્યા 09497 માટે બુકિંગ 6 ડિસેમ્બર 2025થી તમામ PRS કાઉન્ટર અને IRCTC વેબસાઇટ પર શરૂ થશે. ટ્રેનના સ્ટોપેજ, સમય અને રચના અંગેની વિગતવાર માહિતી માટે મુસાફરો www.enquiry.indianrail.gov.in પર મુલાકાત લઈ શકે છે.

મહેતાપુરા ફાટક બંધ રહેશે

પશ્ચિમ રેલવે અમદાવાદ મંડળના હિંમતનગર-ખેડબ્રહ્મા સેકશનમાં સમારકામ અને જાળવણી કાર્ય માટે એક મહત્ત્વની જાહેરાત કરવામાં આવી છે.

• સ્થળ: રેલવે ક્રોસિંગ નં. 86A મહેતાપુરા ફાટક (કિ.મી. 6/1-2) - હિંમતનગર અને ઈડર વચ્ચે.
• બંધ સમયગાળો: 8 ડિસેમ્બર 2025ના રોજ સવારે 09:00 વાગ્યાથી 9 ડિસેમ્બર 2025ના રોજ સાંજે 21:00 વાગ્યા સુધી.
• વૈકલ્પિક માર્ગ: આ સમયગાળા દરમિયાન માર્ગ વપરાશકર્તાઓ હિંમતનગર-ઈડર બાયપાસ અને મહેતાપુરા RTO રોડનો ઉપયોગ કરી શકશે.

English summary

Western Railway runs Sabarmati-Delhi Special Train (09497/09498) on Dec 7 & 9 due to Indigo flight cancellations. Also, Mehtapura railway crossing (86A) to be closed.