મુખ્યમંત્રીને મળેલી ભેટસોગાદોના પ્રદર્શન-વેચાણને લોકનો જોરદાર પ્રતિસાદ મળ્યો

By Desk

Published: Sunday, January 21, 2024, 12:14 [IST]

રાજ્યના મુખ્યમંત્રીને વિવિધ કાર્યક્રમો અને પ્રવાસ દરમિયાન ભેટ-સોગાદોમાં મળેલ અને તોશાખાનામાં જમા કરાવેલ ચીજવસ્તુઓનું ત્રણ દિવસીય પ્રદર્શન-વેચાણ અમદાવાદ જિલ્લા કલેક્ટર સુશ્રી પ્રવીણા ડી.કે.એ તારીખ 18મી જાન્યુઆરીના રોજ ગોતા ખાતે ખુલ્લું મૂક્યું હતું.

સિટી ડે.કલેકટર(પશ્ચિમ)ની ગોતા સ્થિત કચેરી ખાતે યોજાયેલા મુખ્યમંત્રીની ભેટસોગાદોમાં મળેલ ચીજવસ્તુઓના પ્રદર્શન-વેચાણને નાગરિકો તરફથી અભૂતપૂર્વ પ્રતિસાદ સાંપડયો હતો.

તોશાખાનામાં જમાં કરાવેલ ચીજવસ્તુઓના ત્રી-દિવસીય પ્રદર્શન-વેચાણ કાર્યક્રમમાં કુલ ₹10,19,001 ની કિંમતની 683 ભેટસોગાદોનું વેચાણ થયું હતું.

પ્રદર્શન-વેચાણમાં નાગરિકોએ વિવિધ મોમેન્ટો, સોના-ચાંદીની ભેટ-સોગાદો સહિત અન્ય ચીજવસ્તુઓની ખરીદી કરી હતી.

Published On January 21, 2024