Lok Sabha Elections 2024: નીતિન પટેલે મહેસાણા સીટ પરથી પોતાની ઉમેદવારી પાછી ખેંચી

Published: Tuesday, March 5, 2024, 9:37 [IST]

Lok Sabha Elections 2024: ટૂંક સમયમાં યોજાનારી લોકસભા ચૂંટણીને લઈને ભાજપે શનિવારે 195 ઉમેદવારોના નામની જાહેરાત કરી હતી. જેમાંથી ગુજરાતની કુલ 26 બેઠકોમાંથી 15 ઉમેદવારોના નામ જાહેર કર્યા હતા. જેમાં પૂર્વ નાયબ મુખ્યમંત્રી નીતિન પટેલનુ નામ ન હતુ.

લોકસભાની બાકીની 11 બેઠકો પર ઉમેદવારોના નામની યાદી આ તે પહેલા ભૂતપૂર્વ નાયબ મુખ્ય મંત્રી નીતિન પટેલે મહેસાણા લોકસભા બેઠક પરથી ચૂંટણી લડવાનો દાવો પાછો ખેંચી લીધો છે.

તમને જણાવી દઈએ કે અગાઉ પણ 2022ની વિધાનસભા ચૂંટણી દરમિયાન નીતિન પટેલે પહેલા ધારાસભ્ય પદ માટે ઉમેદવારી નોંધાવી અને પછી તેમની ઉમેદવારી પાછી ખેંચી લીધી. નોંધનીય છે કે નીતિન પટેલ ગુજરાતના પ્રભાવશાળી પાટીદાર સમુદાયના નેતા છે. જોકે, બે વખત ઉમેદવારી નોંધાવીને પરત ખેંચી લેવાની ઘટનાએ ગુજરાતના રાજકારણમાં ચકચાર જગાવી છે.

નીતિન પટેલે રવિવારે પોતાની ફેસબુક પોસ્ટમાં જણાવ્યુ હતુ કે, 'મહેસાણા લોકસભા બેઠકના ભાજપના ઉમેદવાર તરીકે કેટલાક કારણોસર મે ઉમેદવારી નોધાવી હતી. શનિવારે રાજ્યની 15 લોકાસભા બેઠકના ઉમેદવારો જાહેર કરવામા આવેલ છે અને મહેસાણા લોકસભાના ઉમેદવારની પસંદગીની પ્રક્રિયા હજુ ચાલુ છે. તે પહેલા ભાજપના ઉમેદવાર તરીકેની મારી દાવેદારી હું પરત ખેંચુ છું. નરેન્દ્ર મોદી સતત ત્રીજી વખત વડાપ્રધાન બની સમગ્ર દુનીયામાં ભારતની પ્રતિષ્ઠા વધુ વધારે અને ભારતમાતા પરમ વૈભવ પ્રાપ્ત કરે તેવી ભગવાનને પ્રાથના કરુ છું.' જો કે, તેમણે તેમના નિર્ણયને યોગ્ય ઠેરવ્યો ન હતો.

સૂત્રોનો દાવો છે કે દિલ્હી હાઈકમાન્ડ દ્વારા અગાઉથી જાણ કરવામાં આવ્યા બાદ પટેલે કોઈપણ પ્રતિક્રિયા ટાળવા માટે પોતાનું નામાંકન પાછું ખેંચ્યું છે. ઉલ્લેખનીય છે કે ગુજરાતની બાકી રહેલી 11 બેઠકોના નામની જાહેરાત એક અઠવાડિયામાં થઈ શકે છે. સૌરાષ્ટ્રની ભાવનગર, અમરેલી, સુરેન્દ્રનગર, જૂનાગઢની બેઠકોના ઉમેદવારોના નામની જાહેરાત બાકી છે.

Published On March 5, 2024