સોશિયલ મીડિયા પર શેર થઈ રહ્યો છે ફેક વીડિયો, અમદાવાદ પોલિસે આપી ચેતવણી
વિરોધ પ્રદર્શનો વચ્ચે સોશિયલ મીડિયા પર એક ફેક વીડિયો વાયરલ થઈ રહ્યો છે જે સંદર્ભે અમદાવાદ પોલિસે એડવાઈઝરી જારી કરી છે.
Citizen Amendment Act (CAA) ના વિરોધમાં દેશભરમાં ઉગ્ર પ્રદર્શનો ચાલી રહ્યા છે. આખા દેશમાં જાણે કે પ્લાનિંગપૂર્વક વાતાવરણ ડહોળવાના પ્રયાસો થઈ રહ્યા છે. લોકો નાગરિકતા સુધારા કાયદો અને એનઆરસી શું છે, તેમાં શું નિયમ અને જોગવાઈઓ તે જાણ્યા વિના પ્રદર્શનો કરી રહ્યા છે અને ધીમે ધીમે તે ઉગ્ર સ્વરૂપ ધારણ કરી રહ્યા છે. આ જ ક્રમમાં ગુરુવારે અમદાવાદના શાહઆલમ વિસ્તારમાં પોલિસકર્મીઓ પર પત્થરમારો કરવામાં આવ્યો. જેમાં ઘણા બધા પોલિસ અધિકારીઓ સહિત પોલિસકર્મીઓ ઘાયલ થયા. અમદાવાદની હિંસા બાદ શુક્રવારે સંસ્કારી નગરી ગણાતા વડોદરામાં પણ તોફાનો ભડકી ઉઠ્યા.
આ બધા પ્રદર્શનો વચ્ચે સોશિયલ મીડિયા પર એક ફેક વીડિયો વાયરલ થઈ રહ્યો છે જેમાં પોલિસકર્મીઓ પ્રદર્શનકારીઓ પર લાઠીચાર્જ કરતા દેખાઈ રહ્યા છે. આ પ્રકારના વીડિયો કે ફોટા જોઈ લોકો વધુ ગુસ્સામાં આવી જતાં પ્રદર્શન વધુ ઉગ્ર બની જતા હોય છે. અમદાવાદ પોલિસે આ સંદર્ભે એક એડવાઈઝરી જારી કરી છે. અમદાવાદ પોલિસે જણાવ્યુ છે કે સોશિયલ મીડિયા પર ફેક વીડિયો શેર કરવામાં આવી રહ્યા છે. તપાસ કર્યા વિના ફેક વીડિયો કે ફોટા શેર કે ફોરવર્ડ કરશો નહિ. અમે સતત સોશિયલ મીડિયા પર નજર રાખી રહ્યા છે. આ વીડિયો ફેક છે, તે અમદાવાદ કે ગુજરાતનો નથી, તે લખનઉ છે. અમદાવાદ પોલિસે ચેતવણી આપી છે કે જે કોઈ પણ આ ફેક વીડિયો શેર કરશે તેની સામે કડક કાયદાકીય કાર્યવાહી કરવામાં આવશે.
આ ફેક વિડીયોને સોશિયલ મીડિયા પર શેર કરવામાં આવી રહ્યો છે. તપાસ વિના ફેક વિડીયો અથવા ફોટો ફોરવર્ડ/શેર કરશો નહીં. અમે સતત સોશિયલ મીડિયા પર નજર રાખી રહ્યા છીએ. જે આ ફેક વિડીયો/ફોટો શેર કરશે, એમની સામે કાયદેસરની કાર્યવાહી કરવામાં આવશે. #AhmedabadPolice #FakeNews #FactCheck pic.twitter.com/9BZmcdupzh
— Ahmedabad Police (@AhmedabadPolice) 20 December 2019
નાગરિકતા મુદ્દે ભ્રમ અને અફવાઓના પગલે દેશભરમાં આંદોલનો ઉગ્ર બની રહ્યાં છે, જ્યારે રાજકીય નેતાઓની જવાબદારી બને છે કે પ્રેસ કોન્ફ્રેન્સ કરીને નાગરિકોના ભ્રમ દૂર કરે અને ઉઠેલા સવાલોના જવાબ આપે. માત્ર સરકાર જ નહિ બલકે દેશ ભળકે બળી રહ્યો છે તે મુદ્દે વિપક્ષે પણ પોઝિટિવ ભૂમિકા ભજવવી જોઈએ અને આગમાં ઘી હોમવાનું કામ થતું હોય તો તે અટકાવવું જોઈએ.
Click it and Unblock the Notifications
Sign in with Google
